Slanghoek Mountain Resort

Selfsorg

Kapasiteit: 188 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Langs Slanghoekweg, Rawsonville, 6845, Wes-Kaap
Vanaf R500 per nag (plek vir 6)
TGCSA-gradering:

Beskrywing

Slanghoek Mountain Resort is in die pragtige Slanghoekvallei, teen die hange van die Badsberg-bewarea geleë en is omring deur inheemse fynbos.

Verblyf is beskikbaar in selfsorg-chalets, selfsorg-tente en 'n woonstel wat slaapplek bied aan 2 tot 5 gaste. Daar is ook kampeerplekke vir karavane en tente.

Die selfsorg-chalets en -woonstel het elk 'n dubbelbed of 'n dubbelbed en enkelbed en 'n privaat badkamer met 'n bad of stort. Van die eenhede het dubbelslaapbanke vir kinders onder 12. Elke eenheid het 'n kombuis wat met 'n stoof, yskas, ketel, broodrooster, mikrogolf, eetgerei en breekware toegerus is. Daar is 'n TV met 10 kanale en dit sluit M-Net en sportkanale in. Binne- en buite-braaigeriewe is beskikbaar asook stoepmeubels.

Die selfsorg-safari-tente bied slaapplek aan 2 volwassenes of 2 volwassenes en 2 kinders en het 'n en suite-badkamer met 'n stort en toilet. Al die tente het 2 enkelbeddens en van hulle het dubbelslaapbanke. Elke tent het 'n kombuisie wat met 'n elektriese braaipan, yskassie, ketel, broodrooster, mikrogolf, eetgerei en breekware toegerus is. Die tente het nie TV's nie, maar daar is 'n TV in die swembad-area. Buite-braaigeriewe en en stoepmeubels word voorsien.

Die oord bied 2 kamers in die hoofhuis met slaapplek vir 2 gaste in elk. Elke kamer het 'n dubbelbed en 'n en suite-badkamer met 'n stort en toilet. 'n Yskassie en koppies vir tee of koffie word voorsien.

Linne en handdoeke word voorsien in die selfsorg-eenhede en die kamers, maar gaste moet asb. hul eie swemhanddoeke saambring.

Gaste kan 1 van die kampeerplekke bespreek wat geskik is vir karavane of tente. Elektrisiteit is beskikbaar en elke staanplek het 'n privaat ablusieblok met 'n stort en toilet.

Slanghoek Mountain Resort het 2 swembaddens, 'n klimraam en 2 staproetes vir gaste wat die oord wil verken.

Kry ’n Kwotasie