Snobs Coffee Roastery and Rooms

Gastehuis

Kapasiteit: 8 persone
Alle ouderdomme is welkom
Inkloktyd: 14:00 tot 21:00
Uitkloktyd: 10:00
Adres: Buitenstraat 7, Trompsburg, 9913, Vrystaat
Vanaf R750 per nag, vir 2 mense

Beskrywing

Snobs Coffee Roastery and Rooms is in Trompsburg, net 2 minute se ry van die N1 af. Dié dorpie is 120 km suid van Bloemfontein en bied 'n gerieflike oorslaapplek tussen die Kaap en Gauteng. Omdat Snobs Coffee Roastery and Rooms die behoefte aan gehaltekoffie op die lang pad verstaan, is die eenhede op dieselfde perseel as die Solar Coffee Roastery.

Snobs Coffee Roastery and Rooms bied 2 ruim, moderne selfsorg-eenhede wat elkeen slaapplek aan 4 gaste bied. Die selfsorg-eenhede is geskik vir uiteenlopende gaste soos gesinne met kinders, paartjies of enkelreisigers. Dit is selfs troeteldiervriendelik. Die eenhede is in 'n stil deel van die dorp met 'n uitsig oor die plattelandse vlaktes.

Albei eenhede het WiFi en verskeie bordspeletjies is te huur vir die koue, reënerige Vrystaatse winters. Die eenhede kan ook saam bespreek word vir 'n familie- of sakebesoek. Elke eenheid het 'n koningingrootte-bed, 'n dagbed met beddegoed, 'n en suite-badkamer, selfsorgkombuis en sitarea.

Daar is braaigeriewe en veilige parkeerplek op die perseel.

Die verblyf gesinsvriendelik met oorgenoeg veilige ruimte vir kinders om te speel, asook diere, 'n klimraam en 'n sandput.

Die koffie word op die perseel gerooster en daar is verskeie lekkernye op die koffiewinkel se spyskaart.

Trompsburg het ook 'n klein winkelsentrumpie waar gaste basiese benodigdhede kan aanskaf.

Kry ’n Kwotasie