Soutbos & Janfrederik Selfsorg

Selfsorg

Kapasiteit: 14 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: Golfstraat 15, Kaap Agulhas, 7287, Wes-Kaap
Vanaf R1 300 per nag, vir 2 mense

Beskrywing

Soutbos & Janfrederik Selfsorg is twee selfsorg-eenhede in die dorpie L'Agulhas aan die Suidkus van die Wes-Kaap. Soutbos is op die boonste vlak en Janfrederik is op die onderste vlak van die huis geleë. Albei het aparte ingange en kan apart bespreek word. Die eenhede is ideaal vir 'n gesin of groep vriende wat op soek is na 'n rustige wegbreekplek in die mees suidelike dorpie in Afrika. Die eenhede het in totaal slaapplek vir 14 gaste.

Soutbos het 'n 180º-uitsig oor die oseaan en L'Agulhas se vuurtoring. Die eenheid het 3 slaapkamers, 2 badkamers en slaapplek vir 6 gaste. Die hoofslaapkamer het 'n dubbelbed en 'n en suite-badkamer met 'n bad, toilet en wasbak. Die tweede slaapkamer het 2 enkelbeddens en die derde slaapkamer het 'n dubbelbed. Die tweede badkamer beskik oor 'n stort, bad, toilet en wasbak.

Soutbos se kombuis is ten volle toegerus en beskik oor 'n yskas, mikrogolfoond, vierplaatstoof met 'n oond, koffie- en teemaakgeriewe, breekware en eetgerei. Daar is ook 'n sitkamer met 'n kaggel, 'n eetkamer, 'n TV-kamer met satelliet-TV, en 'n balkon met braaigeriewe.

Janfrederik beskik oor 3 slaapkamers, 2 badkamers en slaapplek vir 8 gaste. Die hoofslaapkamer het 'n dubbelbed en 'n en suite-badkamer met 'n stort, toilet en wasbak. Die tweede slaapkamer het 3 enkelbeddens en die derde slaapkamer het 3 enkelbeddens. Die tweede badkamer beskik oor 'n stort, toilet en wasbak.

Janfrederik se kombuis is ten volle toegerus met 'n yskas, mikrogolfoond, tweeplaatstoof met 'n oond, koffie- en teemaakgeriewe, breekware en eetgerei. Die sitkamer het gemaklike sitplek en satelliet-TV, en daar is 'n beskutte stoep met braaigeriewe.

Parkeerplek is vir beide eenhede op die perseel beskikbaar.

Die L'Agulhas-kuslyn is welbekend as die mees suidelike punt van Afrika en die geskiedkundige dorpie bied verskeie winkeltjies en restaurante. Daar is ook 'n vuurtoring wat van die eenheid af sigbaar is waarheen gaste kan stap.

Gaste kan na die L'Agulhas Nasionale Park gaan en op die plankpaadjie tot by die punt stap waar die Atlantiese en Indiese Oseane ontmoet. Net 'n entjie verder kan gaste ook die skeepswrak, getypoele en verskeie ander doendinge en besienswaardighede in die area besoek.

Kry ’n Kwotasie