Heerlike seefront-verblyf. Dit was ons tweede besoek aan Southern Skies en ons het dit weereens vreeslik geniet. See-uitsig is fantasties, beddens slaap gemaklik en die skottelgoedwasser was besonders handig vir ons groep van 18! Die huis het nie 'n TV nie, maar die kinders het dit glad nie gemis nie en het heerlik op die strand of by die huis se grasperk baljaar. Daar is ook kratte met speelgoed wat die jonger klomp geniet het. Die eienaar is baie behulpsaam.

Dit was great! Perfekte branderplank-hoofkwartiere. Sien sterre.

Rustig en ontspanne met pragtige uitsig op die berg en see. Perfek vir 'n groot familie/gesin op soek na 'n rustige wegbreekbestemming. Daar is genoeg ruimte vir almal in die woonareas en op die stoep, terwyl die kamers privaatheid bied - wanneer nodig. Die tafeltennis- en snoekergeriewe het die jonger garde aan die gang gehou met die skottelgoedwasser as 'n onverwagse bonus! Daar is selfs 'n watertenk op die perseel vir wanneer beurtkrag die watervoorsiening aan die dorp onderbreek. Southern Skies sal beslis weer in ons reisbeplanning ingesluit word.

Naweek was heerlik. Die plek is op 'n baie goeie plek op Elandsbaai geleë, naby see. Naweek was lekker en sien ons vir seker weer.