Spanish Steps

Selfsorg

Kapasiteit: 9 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Ferguson-straat 3, Bloubergstrand, Kaapstad, 7441, Wes-Kaap
Vanaf R3 900 per nag (plek vir 9)

Beskrywing

Spanish Steps is in Bloubergstrand, ’n gewilde strand aan die Weskus. Dit is ongeveer 30 minute vanaf Kaapstad en net om die draai van die gewilde Blue Peter Hotel.

Hierdie dubbelverdieping-vakansiehuis bied ongelooflike uitsigte vanuit die 3 slaapkamers op die boonste verdieping, sowel as van die oopplan-leefarea op die onderste verdieping.

Die eenheid beskik oor 5 slaapkamers wat elk ’n en suite-badkamer met óf ’n stort, óf ’n stort en bad het. Van die 5 slaapkamers is daar 3 op die boonste verdieping en 2 op die onderste verdieping. Die hoofslaapkamer het ’n koninggrootte-bed en ’n privaat stoep wat uitsigte oor die see bied. Die tweede en derde slaapkamers het ook elk ’n koninggrootte-bed, die vierde slaapkamer het n dubbel bed, en die klein vyfde slaapkamer het ’n enkelbed.

Daar is ’n oopplan-eetarea, -kombuis en -leefarea. Die huis is smaakvol versier en beskik oor die nuutste tendense vir beligting en toestelle. Die kombuis is met ’n gasstoof, oond, yskas-vrieskas, mikrogolf, tee- en koffiemaakgeriewe, eetgerei en breekware toegerus. Daar is ook ’n wasmasjien, skottelgoedwasser en tuimeldroër.

Daar is ’n groot slim-TV in die leefarea en 'n TV met DStv in die hoofslaapkamer.

Die stoep het lieflike meubels en ’n gasbraai waar gaste saam ’n ete kan voorberei.

Daar is ’n toesluitmotorhuis wat na die sentrale stoep-area lei.

Hierdie huis bied ’n lieflike wegbreek vir ’n romantiese wittebrood, of dit kan dien as die ideale vakansiehuis vir ’n familie wat die strandlewe in Kaapstad wil geniet. Daar is verskeie uitstekende restaurante in die area, sowel as Eden on The Bat waar daar ’n verskeidenheid winkels en restaurante is.

Let asb. dat Stad Kaapstad tans die promenade-area opgradeer en opknap na jare van erosie en nalatigheid. Die werk sal aanhou tot September 2024 en is heeltemal buite die eienaar se beheer. Die bestuurders weet nie altyd watter tipe werk gedoen word nie en vra om verskoning indien daar enige onverwagte stoornisse is gedurende gaste se verblyf. Die area sal grootendeels verbeter wees sodra die werk klaar is en die opknapping is al 'n geruime tydjie nodig.

Kry ’n Kwotasie