Spitskop Plaashuis

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Waterval 58, Lydenburg, 1100, Mpumalanga
Vanaf R4 500 per nag (plek vir 10)

Beskrywing

Spitskop Plaashuis is 'n spoggerige selfsorgplaashuis op 'n klein werkende plaas. Die uitsigte oor die vallei tot by Lydenburg is pragtig.

Die huis het slaapplek vir 10 mense en is ideaal vir gaste wat smag na ontvlugting van die stadslewe. Dit is 'n ruim huis met 5 slaapkamers en 3 badkamers. Al 5 slaapkamers front noord en maak oop op die veranda. Die 2 en suite-slaapkamers het koninggrootte-beddens. Die hoofslaapkamer het 'n volledige en suite-badkamer. Die ander 3 kamers het elkeen 2 enkelbeddens en deel 'n volledige badkamer. Al die beddens is oorgetrek met puik linne en komberse word ook voorsien. Haardroërs word in elke kamer voorsien.

Die huis het 3 woonkamers met Jetmaster-kaggels. DStv Dual View is beskikbar in 2 van die woonkamers. Die hoof-eetkamer het 'n eetkamertafel met 10 stoele. En die ruim veranda het braai- en potjiegeriewe en 'n tafel met sitplek vir 12 mense.

Die oopplan-kombuis is goed toegerus en beskik oor 'n mikrogolf, 'n yskas-vrieskas, 2 elektriese stowe, en 'n gasstoof en -oond. Daar is 'n aparte opwaskamer met 'n skottelgoedwasser, wasmasjien en tuimeldroër.

Spitskop Plaashuis het ook 'n privaat studeerkamer. Ons boekversameling is tot gaste se beskikking. Die 2 motorhuise het outomatiese deure en bied direkte toegang tot die huis. Daar is 'n tuin met 'n visdam en swaaie vir die kinders. Gedurende reënerige weer beveel ons aan dat gaste gebruik maak van voertuie met 'n hoë grondvryhoogte om toegang tot die perseel te verkry.

Die eiendom se sekuriteit is uitstekend: Daar is 'n elektriese heining, laserstraal-sekuriteit, en 'n alarm met gewapende reaksie.

Spitskop Plaashuis is naby 'n 5 ster-hotel met visvang- en gholfgeriewe. Dullstroom spog ook met heelwat ander doendinge.

Kry ’n Kwotasie