Steynshoop Mountain Lodge

Gastehuis

Kapasiteit: 18 persone
Geen kinders onder 17
Inkloktyd: 14:00 tot 19:00
Uitkloktyd: 11:00
Adres: Steynshoop Plaas, Hekpoort, 1790, Gauteng
Vanaf R1 955 per nag, vir 2 mense

Beskrywing

Steynshoop Mountain Lodge is 'n luukse huis op 'n privaat landgoed, wat pragtig geleë is op 'n verhewe stuk land in die skilderagtige Magaliesbergvallei naby Hekpoort. Dit het ongelooflike uitsigte oor dié manjifieke bergreeks, kranse en omliggende bos van die Magaliesberg Natuurreservaat waarvan dit deel vorm.

Die lodge se 9 en suite-slaapkamers is almal luuks ingerig met lugversorging en TV met DStv-kanale. Dit is 'n eksklusiewe en intieme gaste-lodge met 'n eenvoudige, maar elegante interieur. Dit is ideaal vir individuele- of klein groep-wegbreke, asook klein konferensies. Dit het 'n natuurlike, rustige en verfrissende atmosfeer.

Die lodge is 'n uur se ry van Johannesburg en Pretoria af en val binne 'n wêrelederfenisterrein. DIe hele landgoed is binne die Magaliesberg Natuurreservaat. Dit is vol inheemse bos insluitend wilde protea-bome en daar is baie natuurlike wild insluitend: bosbokke, njalas, rooiribbokke, vlakvarke, bobbejane, apies en luiperds. Voëllewe is volop. Arende en aasvoëls van 'n kranskolonie naby word gereeld gewaar. Gaste kan ook luister hoe die jakkals huil, die hiëna lag en die bobbejaan blaf en heelwat meer.

Gaste het toegang tot 'n kilometer lange stuk van die manjifieke bergreeks op die landgoed wat ideaal is vir wandel en voetslaan. Reëlings kan getref word vir langer staptogte deur aangrensende area wat aan die Bergklub van Suid-Afrika behoort en bekende terreine soos Castle Gorge insluit, maar hierdie staptogte moet vooraf by die stapklub bespreek word.

Steynshoop Mountain Lodge bied die ideale wegbreek van die stadslewe en stres, waar gaste aan die slaap kan raak met die geluid van die Afrika-bos in hul ore en wakker word met die voëltjies se gesang. Sit rustig en geniet 'n drankie op die gazebo en kyk uit vir bosbokke of rooiribbokke wat by die watergat kom water drink. As jy 'n toevlugsoord met uitstekende diens soek, is Steynshoop Mountain Lodge 'n skaars vonds.

Kry ’n Kwotasie