Stone-Fly Guesthouse

Gastehuis

Kapasiteit: 10 persone
Alle ouderdomme is welkom
Inkloktyd: 14:00 tot 16:00
Uitkloktyd: 10:00
Adres: Sechabastraat 441, Dullstroom, 1113, Mpumalanga
Vanaf R1 000 per nag (plek vir 2)

Beskrywing

Stone-Fly Guesthouse is in Dullstroom, 'n klein dorpie in Mpumalanga en bied akkommodasie in 4 ruim selfsorgkamers. Elke kamer het 'n en suite-badkamer of toegang tot 'n volledige kombuis.

Kamer 1 en 2 het elkeen sy eie TV met sekere DStv-kanale. Dié 2 kamers het ook elkeen 'n ingeboude braai. Kamer 3 en 4 kan saam vir 'n groot groep bespreek word. Kamer 4 is ideaal vir 'n gesin wat nie omgee om 'n eenheid te deel nie. Die heel huis is geskik vir 12 gaste wat deel. Die huis het 'n sentrale eetarea en sitkamer met 'n kaggel en 'n TV met sekere DStv-kanale. Buite is daar 'n stoep met 'n ingeboude braaiplek en sitplek waar gaste lekker kan ontspan. Veilige parkeerplek is beskikbaar en die huis het 'n alarmstelsel wat gekoppel is aan gewapende reaksie (24 uur).

Dullstroom is hoog in die Steenkampsbergreeks geleë en is 'n natuurlike paradys wat asemrowende, panoramiese uitsigte van die berge en veldblommetjies bied. Dit beteken dat 'n groot verskeidenheid voëls in die area voorkom. Die bekendste trekpleister in Dullstroom is die visvang-geleenthede. Dullstroom is bekend vir die forelstroompies en prentjiemooi visvangplekke. Die omliggende area bied die geleentheid vir dagtoere na Sabie, Graskop en Pelgrimsrus.

Kry ’n Kwotasie