Stukkie Stilte naby die hemel. Rus, rus en nog rus. Die naweek by Stukkie Stilte Berghuis was heerlik. Die sterre is so helder in die aand, dit voel of jy in die hemel is.

Stil en privaat, pragtige natuurlewe. Wat 'n lekker naweek-wegbreek met kwaliteit familietyd sonder tegnologie. Stil en privaat. Eenvoudig maar tog als wat jy nodig het. Die donkie was baie interessant vir die kinders om te beleef. Lieflike swembadjie wat ook met 'n donkie werk. Regte oudtydse plaashuisie met die mooiste uitsig op die stoep.

Lekker wegbreek met rus en vrede. Ons het baie lekker gebly. Die huis is baie goed toegerus vir selfsorg met 'n yskas, gasstoof en alle kosmaakbenodighede. Daar was selfs plaaseiers en koffie voorsien. Die huis is 'rustic' maar gesinne behoort lekker daar te bly. Daar was meestal selfoonopvangs behalwe as dit beurtkrag was. Die eienaar het oorgenoeg hout voorsien vir die braai en om die twee donkies aan die gang te hou. Die stoep is seker die beste gedeelte met 'n baie mooi uitsig oor die plaas in die dag en sterre in die nag. Die plonspoel was baie lekker en selfs op 'n koue aand kon mens swem met die donkie wat dit verhit. Ons het lekker rondgestap deur die kloof en stroompie wat deur die plaas vloei. ' n Uitgekapte en gemerkte staproete sal baie help, want dis 'n mooi plaas. Sal die verblyf aanbeveel vir mense wat uit die stad se geraas wil ontsnap en op soek is na rus en vrede.

Goeie wegbreek met 'n mooi uitsig. Ongelooflike mooi uitsig met plase en berge reg rondom. Die huisie het alles wat jy nodig het en jy kan verseker die swembad/jacuzzi vir 'n skemerkelkie gebruik, want dit is wonderlik ná 'n dag van stap en rond beweeg, terwyl jy die son sien sak. Die plaas eiers wat gegee word is net so lekker vir 'n goeie ontbyt wat jou dag perfek sal begin.

Baie lekker plaashuisie en baie stil. Ons het heerlik gebly by die plekkie. Die huis het alles wat jy nodig het vir 'n lekker vakansie: 'n gasstoof, solarligte, en 'n baie lekker vuurmaakplek/boma. Die swembadjie het handig te pas gekom. Dianna en Naas het seker gemaak ons het genoeg hout vir die vuur en die donkie, en hulle was regtig vreeslik hulpvaardig. Ek sal die plek hoog aanbeveel.

Terug na die natuur. Ons het lekker gekuier. Ignatius en Diane het ons baie vriendelik ontvang en uit hul pad gegaan om ons welkom te laat voel. Beddegoed was silwerskoon. Ons het dit geniet om die donkie te stook vir warm water en ure op die stoepie gesit vir die uitsig. Ons kon lekker stap. Alhoewel die huis "rustic" is, het dit alles gehad wat ons benodig het en presies vir ons gegee waarna ons gesoek het - om te vergeet van die stad.

Dit is presies wat dit sê. 'n Stukkie stilte-juweel. Stil, rustig en weg van alles. Boardgames en sterrekyk. Vriendelikheid en eerlike mensies. Baie dankie. Sien jul definitief weer. Gesinstyd sonder sein! Asemrowend lekker.

Heerlik, veilig en rustig. Ons het die plekkie baie geniet. Kon ongelukkig nie fietsry nie a.g.v. die tipe grond en los klippe op die plaas. Maar het gestap en die vrede en rustigheid ervaar. Uitgerus, lekker gebraai in die lapa langs die huis. Baie stil, hoor net jakkalse snags. Die donkie was 'n uitdaging, maar na ons dit bemeester het, was dit groot pret.