Suidwester Kliphuis

Beskrywing

Suidwester Kliphuis bied ruim selfsorgverblyf met 'n aparte ingang wat die boonste vlak van die eienaar se huis beslaan. Dit is ideaal geleë in Perlemoenbaai wat net buite Gansbaai is, wat dit 'n ideale opsie maak vir 'n klein kuswegbreek.

Dié woonstel met 'n see-uitsig het slaapplek vir 4 gaste op 'n slag en beskik oor 2 slaapkamers en 'n badkamer. Die hoofslaapkamer het direkte toegang tot die balkon en is ingerig met 'n dubbelbed. Die tweede slaapkamer het ook 'n dubbelbed en die badkamer, wat in die hoofslaapkamer is, is toegerus met 'n stort, spa-bad, wasbak en toilet. Alle linne en badhanddoeke word voorsien; gaste moet egter hul eie strandhanddoeke saambring.

Die oopplan-leefarea beskik oor 'n oulike kombuis wat toegerus is met 'n induksieplaat, mikrogolf, yskas-vrieskas, eetgerei en breekware asook tee- en koffiemaakgeriewe. Van die kombuis af lei 'n knus sitkamer met gemaklike sitplek en 'n TV. Toegang tot gratis WiFi is beskikbaar.

Boonop het hierdie sitkamer 'n binnebraai sowel as skuifdeure wat na 'n sonnige balkon met 'n buite-etenstafel oopmaak. Hierdie balkon is ideaal vir buitelug-etes, 'n oggendkoffie of 'n skemerkelkie terwyl jy die see-uitsigte bewonder.