Beskrywing

Summer Place vakansiehuis bied luukse selfsorg-akkommodasie vir groepe op die drumpel van die Krugerwildtuin. Summer Place is in Numbi Park geleë, op die R40 van Witrivier na Hazyview in die mekka van die Laeveld.

Hazyview is sentraal tot die Laeveld geleë, net 13 km vanaf die Krugerwildtuin en tussen 45 km en 85 km van God's Window, Mac Mac-waterval, Berlin-waterval, Lisbon-waterval, Drie Rondawels, Blyderivierspoort, Bourke's Luck en Pelgrimsrust. Die Phabenihek is net 13 km weg, en die Numbihek is 14 km weg, wat dit ideaal vir daguitstappies in die Krugerwildtuin maak.

Summer Place slaap 'n maksimum van 10 volwassenes, met een slaapbank ook beskikbaar vir twee kinders. Daar is vyf groot en suite slaapkamers; twee van die slaapkamers het twee enkelbeddens wat in koninggrootte-beddens verander kan word indien nodig. Een van die slaapkamers het ook 'n slaapbank vir twee kinders. Linne, beddegoed en badhanddoeke word voorsien, en skoonmaakdiens is van Maandag tot Saterdag beskikbaar, ingesluit in die tarief.

Die oopplan-kombuis, eetkamer- en sitkamer-area is ideaal vir ontspannende vermaak. Die kombuis is volledig toegerus vir selfsorg met 'n yskas, vrieskas, stoof, mikrogolfoond, kombuisware en eetgerei. Buite is 'n groot veranda waar familie en vriende om 'n kuiertafel kan saamkom om speletjies te speel of oor elke dag se avonture te gesels. 48 Verskillende voëlspesies kan in die area gesien word en daar is apies in die bome.

Ander kenmerke sluit 'n swembad, DStv, dakwaaiers in al die slaapareas, patiomeubels, 'n groot ingeboude braai, en 'n onderdakparkeerplek vir 4 motors.