Sunbird House

Selfsorg

Kapasiteit: 13 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Sunbird-laan 14, Aston Bay, Jeffreysbaai, 6332, Oos-Kaap
Vanaf R3 600 per nag (plek vir 13)

Beskrywing

Sunbird House is 'n groot selfsorghuis in Jeffreysbaai. Die huis is naby Marina Martinique en spog met 'n balkon met 'n lieflike uitsig en is ideaal vir gaste wat op soek is na 'n rustige wegbreek. Die eenheid is stapafstand vanaf Aston Bay-strand.

Sunbird House bied slaapplek aan 13 gaste en beskik oor 5 slaapkamers. Die hoofslaapkamer het 2 dubbelbedens en 'n platskerm-TV. Daar is ook 'n en suite-badkamer met 'n stort en 'n bad. Daar is 'n deur wat die badkamer en kamer skei wat gaste totale privaatheid verseker, Die tweede en derde kamer het albei 'n dubbelbed. Die vierde en vyfde slaapkamers het albei 'n kiningingrootte-bed. Gaste deel die tweede badkamer met 'n bad, stort en aparte toilet. Bad- en swemhanddoeke is beskikbaar.

Die hoofslaapkamer het 'n aparte deur wat na die stoep lei. 'n Dubbelbed kan op versoek met 2 enkelbeddens - slegs geskik vir kinders - vervang word.

Die kombuis is met 'n stoof, oond, mikrogolf, eetgerei, breekware, skottelgoedwasser, wasmasjien en tuimeldroër toegerus. Speserye, souse en skoonmaakprodukte is ook beskikbaar vir gaste om te gebruik.

Die eetarea het sitplek vir 8 en die sitarea het 'n sitkamerstel, enkelslaapbank en 'n platskerm-TV.

Die voorste stoep het nog 'n etenstafel waar 8 gaste kan sit en 'n ingeboude, beskutte braai. Houtdeure in die oopplan-leef/eetarea lei na 'n balkon met 'n uitsig op die berge.

Gratis Wi-Fi is beskikbaar en albei TV's het Netflix. Gaste kan van hulle eie intekenbesonderhede gebruik maak indien hulle DStv verkies.

Kry ’n Kwotasie