Surf Point Holiday Home

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Walnut-laan, Wavecrest, Jeffreysbaai, 6330, Oos-Kaap
Vanaf R7 600 per nag (plek vir 10)

Beskrywing

Surf Point Holiday Home is 'n bekoorlike selfsorgvakansiehuis in die hartjie van Wavecrest, Jeffreysbaai. Dit bied lieflike see-uitsigte vanaf die houtdek waar gaste kan sit en ook seisoenale walvisse en dolfyne kan sien wat in die branders baljaar.

Dié dubbelverdieping-eiendom kan tot 10 gaste op 'n slag akkommodeer en beskik oor 4 slaapkamers en 3 badkamers. Die hoofslaapkamer is ingerig met 'n koninggrootte-bed, die tweede slaapkamer het 2 enkelbeddens en die derde slaapkamer het 'n dubbelbed. Nog 'n dubbelbed sowel as 'n stapelbed is beskikbaar in die vierde slaapkamer. Die eerste badkamer is toegerus met 'n stort-oor-bad, terwyl die oorblywende 2 badkamers albei 'n stort het. Alle linne en badhanddoeke word voorsien; gaste moet egter hul eie strandhanddoeke saambring.

Die ruim leefarea beskik oor 'n kombuis wat volledig toegerus is met 'n gasstoof, elektriese oond, mikrogolfoond, yskas-vrieskas, eetgerei en breekware asook 2 ontbytkroeë met stoele. Vir gaste se gerief is 'n skottelgoedwasser en wasmasjien ook beskikbaar. Van die kombuis af lei 'n etenstafel met oorgenoeg sitplek vir gaste om hul maaltye saam te geniet. Langs die eetarea is 'n knus sitkamer wat lei na 'n tweede sitkamer met 'n kaggel en 'n TV met sekere DStv-kanale.

Boonop bederf hierdie huis met 'n bioskoopkamer waar gaste dit kan geniet om flieks te kyk of Xbox-speletjies te speel. Daar is ook 'n aparte onthaalkamer met 'n veerpyltjiebord en 'n binnenshuise gasbraaier. Beide die TV en braaikamers maak oop op 'n ruim houtdek met buitemeubels waar gaste ten volle kan ontspan en die see-uitsigte kan bewonder.

Die grondvlak maak oop op 'n onderdakstoep met 'n pooltafel wat in 'n tafeltennistafel omskep kan word. Hierdie patio lei af na 'n lieflike swembadarea met sonstoele wat ideaal is vir gaste om op daardie warm somersdae af te koel. Die huis beskik ook oor 'n boma met 'n sentrale vuurput.

Kry ’n Kwotasie