The Red Door

Selfsorg

Kapasiteit: 7 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Allan-weg 602, Pringlebaai, 7196, Wes-Kaap
Vanaf R4 800 per nag (plek vir 7)

Beskrywing

The Red Door is 'n moderne houerhuis in een van die hoogste punte in Pringlebaai, 'n area wat bekend is vir sy voetslaanroetes, strande en ikoniese aantrekkings in die Kogelberg Natuurreservaat. Die Kolkol-houtvuurwarmbad op die een dek is 'n welkome pluspunt van die huis en 'n toevlugsoord weg van die stadslewe.

Hierdie selfsorg-eenheid het slaapplek vir 7 gaste en beskik oor 4 slaapkamers en 3 badkamers. Die eerste slaapkamer het 'n dubbelbed en 'n en suite-badkamer met 'n bad, stort en toilet. Die tweede slaapkamer het 'n dubbelbed en 'n en suite-badkamer met 'n stort en 'n toilet. Die derde slaapkamer het 'n stapelbed vir kinders en daar is 'n enkelbed op die solder. Dié slaapkamers deel 'n badkamer met 'n stort en 'n toilet. 'n Warmwater-buitestort is ook beskikbaar om af te spoel ná 'n dag op die strand.

Ander geriewe sluit 'n oopplan-kombuis, -eetarea, -sitarea, kaggel, koffie- en teemaakgeriewe en WiFi in. Die eenheid het ook 'n privaat ingang en 'n dek met 'n pragtige uitsig oor die rivier, die tuin en die see. Die huis is geskik vir klein troeteldiere.

Daar is ook 'n gasbraai-area met 'n houtvuurwarmbad op die een dek. Elektrisiteit van R200 sal op die inklokdatum op die koopkrag-meter voorsien word en dieselfde bedrag moet oorbly wanneer gaste vertrek.

Nabygeleë doendinge en besienswaardighede sluit perdry, voëlkyk, fietsry, begeleide staptogte, swem, visvang, wynproe, wildkyk, bergfietsry en tennis in.

Kry ’n Kwotasie