Taaibos Bush Lodge

Lodge

Op die Nippertjie-aanbod 10% af

Kry 10% af op alle besprekings wat 7 dae of minder voor jou verblyf gemaak word. Hierdie aanbod is altyd geldig.

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Taaibosstraat 450, Hoedspruit Wildlife Estate, Hoedspruit, 1380, Limpopo
Vanaf ~~R3 000~~ R2 700 per nag, vir 2 mense

Beskrywing

Taaibos Bush Lodge is in die pragtige en ontspanne dorpie Hoedspruit geleë, naby die bekende Krugerwildtuin en een van die wonderlikste canyons ter wêreld, die Blyderiviercanyon. Die lodge, geleë in die Hoedspruit Wildlife Estate, is splinternuut. Die eiendom bied gaste 'n tuiste weg van die huis, in die middel van die bos maar tog naby alles wat Hoedspruit en omgewing bied.

Gaste kan kies tussen 4 luukse selfsorg-chalets wat in 'n sirkel gebou is en privaatheid bied. Elke chalet het slaapplek vir 2 gaste en is smaakvol gemeubileer met 'n koninggrootte-bed of ekstra groot 2 enkelbeddens. Dit het 'n en suite-badkamer met 'n bad, binne- en buitestort, wasbak en toilet. Linne en handdoeke word voorsien.

Die chalets het 'n kombuisie wat toegerus is met 'n yskassie, gasstoof, mikrogolf, basiese eetgerei, breekware en tee- en koffiemaakgeriewe. Dit strek tot by die sitkamer wat met gemaklike rusbanke en 'n slim-TV gemeubileer is. Gratis WiFi is beskikbaar vir gaste.

Alle chalets het privaat dekke en is rondom die sentrale boma- en swembadarea geplaas waar gaste 'n verfrissende duik in die sprankelende swembad kan geniet. 'n Heerlike ontbyt, wat uit 'n verskeidenheid vars en plaaslike produkte bestaan, is ingesluit en word daagliks in die lapa bedien. Daar is 'n dek langs die swembad, asook 'n lieflike vuurput in die boma waar gaste hul stories kan deel wanneer die son sak.

Dié eiendom bied 'n boskamp-gevoel op 'n gemaklike en luukse manier en is gefokus op gaste wat lief is vir die natuur, maar ook die vryheid wil hê om direk vanaf hul eie huis se voorstoep uit te gaan vir 'n fietsrit of 'n boswandeling.

Kry ’n Kwotasie