Tala Manzi Wildsplaas Karee Camp

Beskrywing

Tala Manzi Wildsplaas Karee Camp bied 'n bosveldwegbreek aan paartjies, groepe of gesinne. Dit is net 2 ure se ry van Pretoria af, maar hier word gaste omring deur brullende leeus, visarende en seekoeie.

Ongeveer 1 km van die hoofkamp af is Kareekamp wat na aan die rivier en tussen pragtige heuwels is. Hierdie kamp het nie elektrisiteit nie en is nie omhein nie, maar bied wel 'n volwaardige bosveld-ervaring.

Verblyf word aangebied in 3 chalets met ablusiegeriewe vir mans en dames en 'n kombuis. Die chalets het elk 'n dubbelbed of 2 enkelbeddens. Mans- en damesablusiegeriewe is beskikbaar met baddens en storte en warm water word deur gasgeisers voorsien. Addisionele gaste in karavane of tente kan geakkommodeer word op versoek en teen ekstra koste.

Die kombuis is toegerus met 'n gasstoof, gasyskas, eetgerei, breekware, 'n eetarea en warm water wat voorsien word deur 'n gasgeiser. 'n Bondel vuurmaakhout word vir die groot braai-lapa voorsien en 'n kontantkroeg met 'n TV is ook beskikbaar op versoek. Vodacom-selfoonsein is beskikbaar.

Die Tala Manzi Wildsplaas se hoofkamp bied 'n gemeenskaplike swembad en 'n kinderspeelarea en wildritte kan gereël word op versoek en teen ekstra koste. 'n Verskeidenheid skoenlappers is teenwoordig in ide area en gaste kan die Maricodam besoek wat net 25 km ver is, vir visvang- en voëlkykgeleenthede.