The Andros Boutique Hotel

Hotel

Kapasiteit: 30 persone
Geen kinders onder 12
Inkloktyd: 14:00 tot 23:00
Uitkloktyd: 11:00
Adres: H/v Newlands- en Phyllisweg, Claremont, Kaapstad, 7708, Wes-Kaap
Vanaf R4 300 per nag, vir 2 mense
TGCSA-gradering:

Beskrywing

The Andros Boutique Hotel is 'n Kaaps-Hollandse opstal, gebou in 1908 en ontwerp deur Sir Herbet Baker. Die huis is gerestoureer en opgedateer en is in groot, volwasse parkagtige tuine in die hartjie van Claremont, een van Kaapstad se pragtige suidelike voorstede, geleë. Die herehuis is in 'n elegante en tradisionele styl gemeubileer, wat die oorspronklike kenmerke in hierdie pragtige grasieuse huis komplementeer.

Begin die oggend met 'n luilekker ontbyt op die terras. Ontspan na 'n lang dag toer, besienswaardighede of speel 'n potjie gholf, met 'n goeie boek in die rustige sonkamer of die stil sitkamer.

In die tuin is 8 ruim slaapkamers, elk met sy eie stoep en uitsig oor die welige tuin. Die 4 oorspronklike slaapkamers in die herehuis, elkeen individueel in 'n tradisionele styl versier, het pragtige tuin- en berguitsigte. Die suite het 'n aparte ingang en leefarea asook 'n privaat swembad. Die Garden Suites bied ruim en luukse verblyf. Die kamers is ingerig met al die luukshede om jou verblyf so gemaklik en onvergeetlik as moontlik te maak. Die Deluxe Studio bied slaapplek aan 2 gaste.

Ontspan by die swembad of oefen in die goed toegeruste gimnasium en sauna. Ginkgo Petite Spa @ The Andros het 3 behandelingskamers met ten volle gekwalifiseerde skoonheidskundiges daagliks aan diens waar jy jouself kan bederf met 'n persoonlike behandeling om aan elke gas se behoeftes te voldoen. Die Baker-konferensielokaal het al die nodige toerusting vir klein intieme konferensies en kan tot 20 afgevaardigdes gemaklik opstel.

Geniet van die vars voorbereide skemerkelkies of drankies voor ete in die sjampanjekamer langs die restaurant, waar uitstekende kos bedien word.

Dine at the Andros is 'n intieme restaurant met 34 sitplekke wat 'n romantiese en elegante eetervaring bied. Die spyskaarte van sjef Ryan Donald verander gereeld om die seisoene te weerspieël. Goed verkrygde bestanddele verskaf 'n opwindende, weelderige a la carte-spyskaart wat by alle smake pas en word aangevul deur 'n uitstekende wynlys.

The Andros is gerieflik geleë naby al die groot toeriste-aantreklikhede. Kirstenbosch en die Constantia-wynlande is om die draai terwyl die Waterfront en gewilde strande net 15 minute se ry is. Die idilliese omgewing en uitstekende diens maak The Andros die perfekte venue vir enige geleentheid.

Kry ’n Kwotasie