Baie netjies, gemaklik en veilig. Ons het Berry Bee Accommodation bespreek vir gaste wat ons dogter se troue by The Nut Farm venue bygewoon het. Die verblyf was uitstekend en die eienaars kon te alle tye bereik word en het uit hul pad gegaan om te verseker dat almal gemaklik is. Ek sou Berry Bee Accommodation hoog aanbeveel.

Lekker, netjies, mooi, cuteste opset. Dit was 'n baie lekker ervaring, die cuteste cottage, skaars 5 km van The Nut Farm af waar ons troue was.

Heerlik om daar oor te bly en is 'n klipgooi van die trouvenue af! Pragtige, ruim kothuis met baie mooi natuurskoon waar ons heerlik kon stap en draf en die natuur kon geniet.

Lekker. Familie-georienteerd. Buitelug en natuur. Ons het baie lekker gebly. Dawid, wie ons ontvang het, was baie gasvry en vriendelik. Die omgewing het ook toegelaat dat ons besige peuter gemaklik kan rondbeweeg. Goed geleë! Ons sal weer gaan, die keer met ons fietse en vir 'n langer tyd.

Heerlik, ontspannend. Jammer ons het so kort daar gebly. Baie oulike cozy plekkie. Pragtig binne en sal dit beslis vir enige iemand aanbeveel. Baie gasvrye mense.

Balsem vir die siel. Ons gasheer en sy vrou is top-notch om die minste te sê. The Berry Bee is gelykstaande aan tranquility. Daar is 'n lieflike, maklike staproete en met al die reën die afgelope tyd is die natuur uitbundig en alles grasgroen. Dis veral fantasties om in die veld te wees terwyl die son besig is om totsiens te sê - so die sonsondergange is asemrowend. Bill Harrops Balloon Safari is maar net so 10 min. se ry van daar af. Nyoka Ridge Vulture Restaurant is reg langs The Berry Bee, en om al die aasvoëls wat in die lug draai voor hul land om te gaan eet wanneer die karkasse uitgesit word, te aanskou, is priceless.

Dawid en sy vrou is baie gaaf en akkommoderend, daar is 'n lekker staproete en baie naby aan die trouvenue ("The Nut Farm"). Ons sal enige tyd weer gaan, Dawid het selfs 'n 'coolpool' vir ons opgeslaan vir die heerlike somersdae.