Beskrywing

The Bridge Apartment 11 bied gerieflike selfsorgverblyf in 'n smaakvol versierde tweeslaapkamerwoonstel. Die woonstel is op die grondverdieping in The Bridge Holiday Resort-kompleks in St. Lucia op die oewer van die St. Lucia-strandmeer geleë.

Die woonstel beskik oor 2 slaapkamers, 'n badkamer met 'n stort en 'n oopplan-kombuis en -leefarea. Die eerste slaapkamer het 'n koningingrootte-bed en die tweede kamer het 2 enkelbeddens. Die oopplan-kombuis is met 'n yskas, oond, stoof en 'n mikrogolfoond toegerus en die oopplan-sitkamer het 'n TV met sekere DStv-kanale. Die sitkamer lei na die pragtige tuin met 'n paar trappies na die omheinde, gemeenskaplike swembad en braaigeriewe.

Gaste het toegang tot 'n skaduparkeerplek en daar is 24 uur-toegangsbeheer en nagsekuriteit. Die kompleks het ook 'n muurbalbaan en tennisbaan waarvan gaste gebruik kan maak.