Beskrywing

The Camello is op die prentjiemooi Tuinroete in 'n stil buurt in George geleë en bied gehalteverbyf wat ideaal is vir sakereisigers, vakansiegangers en oornaggaste. Dit is naby verskeie winkels, restaurante, doendinge en besienswaardighede.

Die eenheid beskik oor 2 slaapkamers en is op 'n residensiële perseel in 'n keeromstraat geleë. Die hoofslaapkamer het 'n koningingrootte-bed en die tweede slaapkamer het 2 enkelbeddens. Albei kamers het lugversorging, oorgenoeg kasplek en gehaltelinne. Daar is 'n aparte badkamer met 'n stort, toilet en 'n wasbak, asook 'n aparte gastetoilet.

Die kombuis is toegerus met 'n induksiestoofplaat, mikrogolfoond, yskas, koffie- en teemaakgeriewe, eetgerei en breekware.

Die sitarea het gemaklike sitplek en 'n TV met DStv vir gaste se vermaak.

Daar is privaat braaigeriewe en 'n gemeenskaplike onderdakbraai vir reënerige dae. Veilige parkeerplek op die perseel word ook voorsien.

Die groot erf spog met 'n swembad en daar is 'n Labrador wat lief is vir kinders.

Die perseel is net 500 m vanaf 'n geriefswinkel, apteek, restaurant, gimnasium, wassery, haarkapper en vulstasie. Daar is 5 gholfbane in 'n 15 km-radius waarvan 4 in Suid-Afrika se Top 40 tel. Dit is ook net 1 km vanaf bergfiets- en velddrafroetes. George Lughawe is sowat 10 km ver en die naaste strand is 15 km ver.