Beskrywing

Die Helderberg is bekend vir die uitmuntende wyne wat hier verbou word. The Residence at Haskell Vineyards is geleë aan die voet van hierdie pragtige berg en versinnebeeld hierdie credo.

Die uitleg van hierdie tweeslaapkamer, en suite huis wat volledig ingerig is vir selfsorg, is ontwerp om die grens tussen "binne" en "buite" te vervaag - wonderskone beelde van berge en wingerde stroom weergaloos na binne. Die interieur word ook nie in bedwang gehou nie en loop uit op 'n pragtige terras met dakwaaiers wat 'n koloniale styl weerspieël. The Residence word omring deur grasperke onder skadu-bome en is die ideale toevlugsoord vir tot 4 gaste wat op soek is na 'n wegbreek. Die huis is smaakvol versier deur een van Suid-Afrika se voorste binnenshuise ontwerpers. Elke luuksheid en tikkie afronding dra by tot gaste se onvergeetlike ervaring.

The Cottage is 'n bungalow langs The Residence wat ideaal is vir 2 oordeelkundige wynreisigers. Hierdie huisie se uitsigte stem ooreen met dié van The Residence en lok besoekers na die luisterryke veranda waar braaigeriewe beskikbaar is op versoek. Moenie bekommerd wees oor die koue winterweer nie - The Residence en The Cottage is toegerus met ingeboude kaggels. Ons sien uit daarna om jou by ons te verwelkom en jou bekend te stel aan die Haskell Vineyard-ervaring.