The Croft Cottages

Selfsorg

Kapasiteit: 21 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: The Croft Cottages, Xholora, Stutterheim, 4930, Oos-Kaap
Vanaf R705 per nag, vir 2 mense

Beskrywing

The Croft Cottages is aan die voet van die Amatolaberge aan die grens van die Xholora-woud, 7 km van Stutterheim af geleë. The Croft bied selfsorg- en B&B-verblyf in goed toegeruste kothuise en en suite-kamers. Dit het die ideale ligging vir gaste wat na Oos-Londen, Bisho, King Williams Town en Queenstown reis.

Die kothuise en en suite-kamers is ideaal vir sakereisigers, oornaggaste, naweekgaste en gesinne wat met vakansie is. Dit is op 19 hektaar se grond geleë en bied privaatheid in 'n prentjiemooi plaasomgewing. Beeste wei naby die eenheid, silkie-hoenders loop op die eiendom rond en duikers en Samango-apies kan gereeld bespeur word. Die Xholora-woud se voetslaanpaadjies is ook net 'n kort entjie ver.

Die 2 grasdakkothuise het elk 2 slaapkamers, een met 'n dubbelbed en die solder-area met enkelbeddens. Elke kothuis het 1 badkamer en 'n kombuisie wat met 'n yskas, oond, stoof, mikrogolf, ketel en 'n broodrooster toegerus is.

Die houtkothuis is 'n enkelverdieping-eenheid met 2 slaapkamers, 1 badkamer en 'n kombuisie wat met 'n tweeplaatstoof, oond, yskas, mikrogolf, ketel en 'n broodrooster toegerus is.

Die 2 en suite-selfsorgkamers het elk 'n dubbelbed, badkamer en 'n kombuisie wat met 'n yskas, oond, stoof, mikrogolf, ketel en 'n broodrooster toegerus is. Die 2 basiese en suite-kamers het elk 2 enkelbeddens of 'n dubbelbed, 'n badkamer, yskassie, mikrogolf, ketel en 'n broodrooster.

Al die eenhede het WiFi en 'n TV met sekere DStv-kanale. Die kothuise het kaggels en die en suite-kamers het verwarmers. Daar is elektriese komberse op al die beddens. Daar is braaigeriewe op die stoepe en gaste kan die swembad op die perseel gebruik.

The Croft Cottages is ideaal geleë vir gaste wat woud- en wildernisroetes wil aanpak, wil voëlkyk en hengel. Besonderse voëlspesies sluit die grootpapegaai, rooiborsie, oranje lyster, Kaapse swartkoppie en vele meer in. Kom verken die woud te voet, per bergfiets of perd. Besoek die plaaslike damme met uitstekende fores- en baarshengelgeleenthede of besiek die plaaslike buiteklub vir 'n potjie gholf of tennis en muurbal. Stutterheim spog met die Stationary Engine Museum en gaste kan die Thomas River Geskiedenisdorpie besoek vir 'n ete of 'n koppeie koffie.

Kry ’n Kwotasie