The Hank Adventure Lodge

Lodge

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Erfdeel 29, Maribashoek, Mokopane, 0600, Limpopo
Vanaf R1 800 per nag, vir 2 mense

Beskrywing

The Hank Adventure Lodge bied lieflike oornagverblyf in die hartjie van die bosveld in die Mokopane-streek van Limpopo. Dit is ideaal vir 'n paartjie of 'n gesin wat uit die stad wil ontsnap.

Verblyf word in 4 Deluxe-kamers met slaapplek vir 2 gaste of 2 Deluxe-gesinskamers met slaapplek vir 4 volwassenes en 2 kinders gebied. Die Deluxe-kamers het elk 'n koninggrootte-bed en die gesinseenheid beskik oor 2 slaapkamers met 'n dubbelbed elk. 'n Stapelbed vir kinders is ook beskikbaar in hierdie slaapkamers. Elke slaapkamer het 'n en suite-badkamer met 'n bad, stort, wasbak en 'n toilet. Gehaltelinne, badhanddoeke en seep word voorsien.

Verder het die gesinseenheid 'n sitarea met gemaklike sitplek en elke eenheid het 'n TV met DStv. Ander geriewe sluit gratis WiFi, asook 'n tee- en koffieskinkbord in. Buite is daar 'n privaat stoep met sitplek waar gaste 'n oggendkoffie kan geniet.

Gaste het toegang tot die gastesitkamer en -eetarea waar hulle hul ontbyt kan geniet. Die lodge het ook 'n swembad waarin gaste kan afkoel. Aktiwiteite op die perseel sluit staproetes, wildkyk, 4x4-roetes, swem en visvang in.

Kry ’n Kwotasie