The Hill Estate House 24

Beskrywing

The Hill Estate House 24 is 'n lieflike selfsorgvakansiehuis in die hartjie van Plettenbergbaai. Dit is 'n ideale opsie vir 'n wegbreek saam met familie of 'n groep vriende aangesien dit naby die dorp is en bederf met 'n jacuzzi.

Dié dubbelverdieping-eiendom kan tot 8 gaste op 'n slag akkommodeer en beskik oor 4 slaapkamers en 2 badkamers. Die hoofslaapkamer is ingerig met 'n koningingrootte-bed, die tweede en derde slaapkamers het elkeen 'n dubbelbed en die vierde slaapkamer het 2 enkelbeddens. 'n Stort is beskikbaar in die eerste badkamer, terwyl die tweede badkamer 'n bad en 'n stort het. Alle linne en badhanddoeke word voorsien; gaste moet egter hul eie strandhanddoeke saambring.

Die oopplan-leefarea beskik oor 'n stylvolle kombuis wat volledig toegerus is met 'n gasstoof, elektriese oond, mikrogolfoond, yskas-vrieskas, eetgerei en breekware asook 'n ontbyttoonbank met stoele. Van die kombuis af lei 'n etenstafel met oorgenoeg sitplek sodat gaste hul maaltye saam kan geniet. Die sitkamer het gemaklike sitplek en 'n platskerm-TV met 'n volledige verskeidenheid DStv-kanale.

Hierdie leefarea maak oop op 'n lieflike onderdakstoep met 'n buite-eettafel, 'n ingeboude braai asook 'n jacuzzi wat die perfekte plek is vir 'n skemerkelkie terwyl die vuur brand. Die ligging van hierdie eiendom is naby die strandmeer en sowat 10 minute se ry vanaf die hoofstrand.