Beskrywing

The Homestead is 'n 3-ster-gastehuis in die Drakensberg met standaard en suite-slaapkamers, gesins-eenhede (2 slaapkamers met 1 badkamer), en deluxe kamers met lugversorging.

Die Executive-suite het 'n hemelbed, spa-bad en dubbelstort en is geskik vir 'n wittebroodspaar.

Beddens is omskakelbaar, spesifiseer asseblief as jy bespreek of jy 'n dubbelbed of 2 enkelbeddens verkies.

'n Konferensiefasiliteit met akkommodasie is ook beskikbaar sou mense wil wegbreek om te kan konsentreer, beplan, spanbou, dinkskrumme hou of net vriendskappe bou en in 'n rustige omgewing ontspan.

'n Goed ingerigte Gazebo en eetkamer voorsien die ideale venue vir troues van +/-120 mense. 'n Vasgestelde spyskaart met 'n buffet-styl familiemaaltyd word bedien in die snoesige eetkamer. Spesiale maaltye kan met vooraf reëling bedien word. Baie heerlike aande word in die klein kroeg "The Tam o' Shanter" spandeer, met sy Skotse atmosfeer.

Besoekers aan The Homestead en hierdie Drakensberg-area sal vermaak vir die hele gesin vind, met die keuse van voetslaan, wildkyk, gholfspeel, 4x4-roetes, vierwielmotorfietsry en bergfietsry. Geluksburg is sentraal vir uitstappies na die historiese Anglo Boere Oorlogsvelde van Ladysmith, Spioenkop en Colenso. So ook Spioenkop Natuurreservaat, die Royal Natal Nasionale Park en Amfiteater, Cathedral Peak en Didimavallei, Champagne Castlevallei, Injisuthivallei en ons eie Tintwa en Middledalepasvallei. Qwaggashoek Wildreservaat is naby (ongeveer 16 km) waar jy renosters (swart en wit), kameelperde, sebras, seekoeie, buffels, wildebeeste en vlakvarke kan sien.

The Homestead het 'n beleid om kwaliteit te behou teen bekostigbare pryse wat dit 'n aantreklike wegbreek in vandag se hoë-
koste-omgewing maak, en dit word gereflekteer deur die feit dat 55% van ons besoekers terugkerende gaste is.

The Homestead sal al jou verwagtinge oortref. Akkommodasie is skoon en gemaklik, die tuisgemaakte kos is uitstekend en die gasvryheid ongelooflik. Die grondpad is gewoonlik in 'n goeie toestand en ons is geleë aan die voet van die asemrowende Middledalepas.