The House

Selfsorg

Kapasiteit: 8 persone
Alle ouderdomme is welkom
Inkloktyd: 16:00 tot 19:00
Uitkloktyd: 10:00
Adres: R536, Sabi River Eco Estate, Hazyview, 1241, Mpumalanga
Vanaf R5 000 per nag (plek vir 8)

Beskrywing

The House is 'n kontemporêre selfsorgvakansiehuis op die gesogte Sabi River Eco Estate in Hazyview en is ideaal vir gesinne of vriende wat dit as 'n basis wil gebruik om besienswaardighede in die nabygeleë Krugerwildtuin en die Panoramaroete te verken.

Dié verblyf met lugversorging bied slaapplek aan 8 gaste en beskik oor 4 en suite-slaapkamers en 'n aparte toilet. Die eerste slaapkamerhet 'n koninggrootte-bed en daar is 'n koningingrootte-bed in die tweede slaapkamer. Elke badkamer het 'n bad en 'n stort. Die derde slaapkamer het 'n koningingrootte-bed en die vierde slaapkamer het 2 enkelbeddens. Elkeen van hierdie badkamers het 'n stort. Linne en badhanddoeke word voorsien.

Die kombuis is met 'n vierplaatgasstoof, elektriese tweeplaatstoof, elektriese oond, mikrogolf, ketel, broodrooster, yskas-vrieskas, skottelgoedwasser, wasmasjien en 'n toonbank met stoele toegerus. Die sit- en eetarea het gemaklike sitplek en 'n TV met DStv-kanale en stroomdienste. Gratis WiFi is beskikbaar.

Die leefarea lei na 'n onderdakstoep met gemaklike sitplek en 'n ingeboude braai. Die stoep lei na 'n versorgde tuin met 'n swembad, sonstoele en 'n trampolien. Hierdie verblyf met sonkrag word nie deur kragonderbrekings geraak nie. 'n Daaglikse skoonmaakdiens is ingesluit. Veilige parkeerplek is beskikbaar.

Kry ’n Kwotasie