Rusplek Guesthouse and Conference Center

Everything as expected for a stop-over.

Everything as expected.

Dit was baie gerieflik en gemaklik.

Gaste is sentraal geleë naby aan 'n sentrum winkel en selfs aan by aan die Universiteit. Dit is waarde van jou geld werd. Die plek is pragtig en baie netjies ek sal beslis my weer inboek.

Goeie waarde vir geld.

Rustige atmosfeer en goeie ligging.

Skoon en vriendelik.

Ja, ons het net jammer gehad dat die WiFi nie gewerk het nie.

Kitsbespreking op pad terug van vakansie af. Rustige omgewing genoeg vir 'n nag of twee.

Naby aan 'n winkelkompleks geleë met restaurant. Stil en veilige area. Die kamers kan gerus opgedateer word. Netjies en skoon.

Lekker oornagplek.

Hierdie is 'n ideale oornag-stop en naby aan die snelweg geleë.

Baie vriendelike diens!

Baie lekker gekuier en geslaap dankie.

Ons was bederf net die mooiste kamer en ons kon so lekker slaap en rus vir die ver pad terug die volgende dag.

Baie netjies, en ons was bederf met die mooiste kamer en goeie diens. Dankie aan Rusplek en dat julle ons oor bly so lekker gemaak het.

Lekker oorgeslaap.

Baie netjies, skoon en veilige slaapplek. Uitstekend geleë naby alle hoofwee en winkels.

Swak diens, swak instandhouding.

Die plek is verwaarloos, instandhouding is ver agter. Ons het in die kamer genaamd "Bethlehem" gebly. Die warmkraan is los by die wasbak. Die krane in die stort is nie gemerk "warm" en "koud" nie. Ons was 3 mense, maar daar was net 2 handdoeke en 2 koffiebekers in die kamer. Die bedliggie het 'n tweepuntprop, maar geen "adapter' vir die driepunt-muurprop nie. Toe ek na die ontvangs is om navraag te doen oor die handdoek ens, was daar niemand op diens nie. Ek het eventueel die gastehuisnommer geskakel en die dame aan diens het die foon elders geantwoord en na ontvangs gekom en gesê sy het die plek patrolleer. Kwansuis is dit 'n driester-gegradeerde gastehuis, duidelik is die plek baie lanklaas gegradeer. Ek sal beslis nie weer hier bly nie.

Baie swak. Sal nooit weer daar boek nie.

Gaste wat saam in die gaste huis gebly het raserig, geen respek vir medegaste nie, klop aan deure tot 4 uur in die oggend, klop aan deure om vir kondome te vra, stortkrane werk nie. Die area het baie agteruitgegaan. Perseel kort baie TLC. Sal nooit weer daar boek nie.

Baie rustig en gemaklik.

Baie lekker gebly en veilig gevoel.

Daar was hopeloos te veel geraas. Harde musiek tot laat in die nag. Plek het ook gestink na vrot moppe. Ons moes skottelgoed oorwas om te gebruik. Was nie baie skoon gewas nie.

Kon nie gerus kry nie. Kinders het harde tennistoernooie gespeel en het sleg geslaap as gevolg van geraas deur ander inwoners.

Wonderlik.

Baie aangenaam, rusting en netjies.

Baie lekker gebly.

Baie lekker gastehuis, netjies en skoon en puik diens gekry.

Fantasties.

Baie dankie vir alles. Dankie vir die rustigheid. Baie hulpvaardig. Baie vriendelik!

Baie lekker gebly, sal weer daar bly.

Sien sterre.

Very nice overnight stop.

Enjoyed our overnight stop. Close to highway. Very pleasant staff. Secure complex. Would go back again.

Bekostigbaar met braaigeriewe.

Slaapkamer het kussingslope gekort en die wasbakkraan is los. Maar het ons vinnig gehelp. Braaigeriewe is voldoende en kon met ons troeteldiere oorslaap.

Redelik.

Daar was geen beheer oor gaste se geraas nie. Selfs na 12:00 middernag, wat baie selfsugtig is.

Lekker.

Lekker naby snelweg, naby winkel, min verkeer.

Waarde vir geld.

Rusplek is ideaal geleë in rustige woonbuurt, maar ook baie naby aan die N1. Vandaar maklike toegang na al die besienswaardighede. Opsies op verblyf vanaf enkelkamer met dubbelbed tot gesinskamers. Ideaal is ook die selfsorg-opsie wat verblyf koste laag hou. Sal beslis by hulle oorbly indien ek weer in Bloemfontein kom.

Baie slegte waarde vir geld.

Slegte waarde vir geld. Daar was wanvoorstelling. Sal die instansie, nooit weer besoek nie.

Waarde vir geld.

Sien sterre.

Waarde vir geld verblyf met goeie ligging.

Plus vir my was die rustige tuin met die waterfontein by ontvangs.

Baie lekker en gerieflik.

Die personeel is baie vriendelik en behulpsaam. Die kamer was baie netjies en skoon. Ons sal vir seker weer by Die Rusplek oorslaap. Ons het 100% lekker geslaap.

Fabulous.

Awesome venue. Very well equipped and clean.

Super place to stay. A little 'smokey' despite the no smoking policy.

Friendly, honest place. I left my kindle there and got a call by mid day to say it was at reception. We were not informed that the bathroom was really en suite when booking but we did have our own bathroom across the way. They allowed us to leave our trailer there until we were ready to leave Bloem. Very kind!

Lekker skoon kamer en rustig.

Lekker skoon kamer gewees en ons het baie lekker gebly. Stil en rustig, maar net te min vir die kinders om te doen. Sal enige tyd weer daar gaan bly.

Rusplek Gastehuis is sentraal geleë en dit was gerieflik om 'n SPAR oorkant die pad te hê wat loopafstand is.

Alhoewel ek Rusplek vir ander sal aanbeveel was ons baie teleurgesteld. Ek het tydens bespreking gemeld dat ons 'n rolstoelvriendelike eenheid benodig. Met ons aankoms was daar 'n kamer met "trappe op" vir ons bespreek. Rusplek was verbaas toe ons meld ons het 'n rolstoelvriendelike eenheid bespreek. Hul het toe gelukkig 'n ander kamer vir ons beskikbaar gehad. Hul boek ons toe in lg. kamer (een trappie om in te gaan in kamer) wat glad nie gerieflik was nie. Ons moes die heeltyd die beddens rondskuif sodat my man kan beweeg. As ons tienerseun nie saam met ons daar was nie sou ek baie gesukkel het as ek self die swaar meubels moes rondskuif. Daar was ook nie 'n stoel in die stort wat my man kon gebruik om te kan stort nie.

Netjies en skoon.

Baie goeie diens, asook netjies.

Voldoende.

Koue waterkraan in my kamer (Beth El) het moeilik gewerk, krag het gedurig afgegaan (krag trip). Andersins heel lekker gebly.

Baie gerieflik, heerlike ontbyt en vriendelike diens.

Ek het baie lekker gebly. Die enkelkamers se mure is effe dun as my buurman se foon lui, hoor ek die hele gesprek.

Die groep het dit baie geniet en lekker gekuier.

Sien sterre.

Goeie ligging.

Ons het in die King Solomons suite gebly en dit is 'n pragtige kamer met 'n balkon. Daar is 'n stort met 'n spa bad in die badkamer. Hier is egter 'n probleem. Toe ek die pomp in die bad aanskakel, het 'n vreeslike onaangename reuk die badkamer gevul en die bad was binne 'n paar minute vol alge en menshare wat natuurlik uit die pype uitkom. Ek veronderstel dat die bad nie baie gebruik word nie met die gevolg dat alge in die sisteem groei wat onvermeidelik is. Miskien is 'n spa bad nie 'n goeie idee in 'n gastehuis nie. Ons het die ontvangs ingelig van die probleem.

The ladies described it as comfortable.

I booked the rooms for a group ladies attending training. They described the rooms as comfortable. However, the lack of an air-conditioner in summer was duly noted. Meals were good. The guest house went out of their way to accommodate my diabetic guests' medication. The staff were friendly and helpful.

Waarde vir geld vir wat ons die kamer voor gebruik het.

Ons het die verblyf net vir 'n slaapplek gebruik. Die kamer was netjies en skoon, wat mens verwag van 'n plek waarvoor jy betaal. Ons het die Saterdagoggend 'n lekker ontbyt by Rusplek genuttig (iets wat jy sterk kan oorweeg). Die personeel is baie vriendelik. Ongelukkig het ons bure baie laat in die aand terug gekom en baie geraas (Ek weet dit is nie die gastehuis se skuld nie).

Kamer nie voldoen aan ons standaard nie.

Kamer was nie volgens ons verwagting nie, bedompig geruik, miere plaag, en waterpype wat deur die nag ruk en sluk. Ek sal nie Dawids Hide away (ons kamer se naam) aanbeveel nie, maar sal volgende keer 'n ander kamer versoek. Ook geen buitelig voor ingang en kamer reg voor waskamer geleë wat die raserig maak as personeel daar werk vroeg oggend. Die familie kamer was waarde vir geld, maar beslis nie die dubbelkamer nie.

Uiters teleurstellend.

Stoepe waar ons moes sit en ontspan na lang reis was vuil. In dae sekerlik nie gevee of gewas nie. Lyk of iets daar geürineer het en toe vol stof gewaai het. Bruin lelike vlekke. Het foto's geneem. Verder was asbak vol sigaret-as en het die assistent dit na ons aankoms eers uitgegooi in asdrom waar dit verder gestink het. Onder rottangbank op stoep lê vuil knee high broekiekouse. Nee. Afskuwelik. Het ook foto daarvan. Uiters teleurstellend. Vuil stoepe. Onversorgde tuine. Boumateriaal in sig. Mooi hoendertjies en hasies in hok, maar geen kos of water. Nee, hulle sien my nooit weer nie.

Daar is heelwat dinge wat ons verblyf ondergemiddeld gemaak het.

Eerste indrukke is blywend. Met aankoms om 16:45 moes ons lank voor die hek wag. Ons moes eers die kantoor bel en toe is die hek oopgemaak. Die persoon aan diens in die kantoor het regtig nie gelyk of hy weet presies wat gaan aan nie. Dit was asof hy onvoorbereid was en eers is daar vir ons gesê ons het nie bespreek nie. Ons kamer het regtig geruik asof dit dae laas oopgemaak is. Ons het dadelik vensters oopgemaak vir die muf reuk om uit die kamer te gaan en toe is dit beter. Ons kamer is wel elke dag baie mooi skoongemaak en die beddegoed was skoon. Handdoeke is elke dag omgeruil, wat baie gaaf was. Die kamer langs ons het 'n pyp gebars en die water van langsaan het deurgeloop na ons kamer toe (dit lyk asof die eenhede net met 'n deur geskei word). Gelukkig het ons kleretas nie op die mat gestaan nie, andersins sou alles nat wees. Die probleem is gerapporteer aan ontvangs wat probeer het om die water op ons matte te laat droog kry. Ek kan nie verstaan dat iemand nie kon dink dat as die kamer langsaan verspoel word met 'n gebarste pyp dat die kans ook daar is dat dit na ons kamer kon versprei nie. Vriende wat saam met ons in 'n ander eenheid gebly het se dak het op 3 plekkies gelek - dit moet asb. uitgesorteer word. Weereens, as jy elektroniese toerusting het in 'n eenheid en die heel dag uit is met besigheid is dit 'n probleem as jy terug is en jou laptop het natgereën. Die personeel by ontvangs het ons meegedeel hulle is bewus van die lekke in die eenheid se dak. Dit is ongelukkig nie goed genoeg nie. Dit is onprofesioneel om gaste in 'n kamer te sit as bestuur ten volle bewus is van 'n dak wat lek. Die bogenoemde word genoem om Rusplek te help met probleme wat ons gehad het, miskien kan hulle dit uitsorteer vir toekomstige gaste.

2-ster gehalte vir die prys wat ek moes betaal.

Het enkel geriewe met tweelingbeddens en pet friendly bespreek. Met aankoms was enkel geriewe met dubbelbed en nie pet friendly bespreek. Ek moes 'n ekstra R500 inbetaal vir die geriewe en omdat ek 'n hondjie het. Indien ek die korrekte inligting gehad het kon ek definitief iewers anders vir 'n baie beter prys ingeboek het. Die kamer en geriewe is netjies en skoon, maar daar was geweldig baie klein miertjies wat orals uitgekom het.

Wow!

Ons het baie tuis en welkom gevoel. Ons kamer was skoon en pragtig. Ons het rustig en stil geslaap. Nog nooit so lekker op 'n vreemde plek geslaap nie! Great!

Was baie baie lekker.

Was baie lekker ruim en skoon.

Ons geniet dit elke keer wat ons daar oorbly.

Na die lang ent van die Kaap, was dit lekker om goed te kon uitrus voor ons verder gery het.

Benodig pakplek in badkamer vir jou badkamergoed, moet alles op vloer sit wat sleg is. Ligging van aircon oor bed nie goed, blaas direk op jou. Verder alles 100.

Soos bo genoem, badkamer nie gebruikersvriendelik nie. Kort rakkie of kassie om jou goed op te sit.

Kamer was skoon en groot. Naby die N1, net reg vir n oornag-stop.

Ons worshond was welkom en dit is n groot pluspunt wanneer jy saam met jou diere reis. Kamer was groot en skoon. Dit het baie goed gewerk vir ons oornagstop na die kaap toe.

Lekker nagrus na 'n lang pad!

Genoeg spasie vir die kinders om bene te rek na al die sit in die kar. Netjies en alles wat ons nodig gehad het. Ontvangs vriendelik en baie behulpsaam. Goeie prys is die kersie op die koek! Sal definitief aanbeveel!

Netjiese bekostigbare verblyf naby Universiteit.

Netjiese kamer naby Universiteit - uitstekende waarde vir geld.

Hulle was voorbereid op my aankoms. Ek reis met 'n woonwa en voorsiening was reeds daarvoor gemaak.

Sien sterre.

Billik en gemoedsrus.

Maklik gekry, baie tevrede.

Rustig.

Baie goeie ervaring. Skoon met oorgenoeg plek. Swembaddens en speelplek vir kinders.

Goed.

Die ontvangs kon so bietjie vriendeliker gewees het. Die kamer was baie netjies. Die badkamer was saans net baie donker. 'n Skerper lig sal welkom wees. Die rakkie bo die wasbak is ook baie laag. Stamp jou kop as jy oor die wasbak buk. Miskien kan die rakkie dalk geskuif word. Mure tussen eenhede baie dun. Sal nie graag wil weet wat my bure doen nie! Verder kan ek regtig nie kla nie. Beslis waarde vir geld en sal ek Rusplek te enige tyd aanbeveel.

Baie goed geleë en baie netjies. Sal weer daar bly.

Baie goeie oornagplek. Die enigste negatiewe plek was die opmerking deur die bestuurder dat die kamer 'n moontlike probleem het (wat nie eintlik 'n problem was nie) en dat ons kan kies om 2 ander kamers (was 3 mense) te kry teen ekstra koste. Ons het gekontrakteer teen 'n sekere prys, en as die kamer nie reg was nie, moes hulle die 2 ander kamers teen geen ekstra koste aangebied het.

Gerieflik, rustig en baie skoon.

Hulle het ons baie vinnig gehelp omdat ons dringend blyplek vir die aand nodig gehad het, en die diens en ondervinding was wonderlik.

Ons het die plekkie baie geniet.

Vriendelike mense by ontvangs, netjiese kamer, gerieflike ligging. Ons het die kamer baie geniet. Dankie julle.

Wonderlik

Baie oulik net die DStv boks wat bly afval het maar verder stunning.

Baie goeie oornagplek op pad Kaap toe.

Dit was 'n goeie oornagplek naby die N1 op pad Kaap toe.

Ons het hierdie keer nie lekker gebly nie.

Dis seker nou al die 4 de keer dat ons hier slaap. Elke keer gaan die plek vir my meer agteruit. Ons kamer se dubbelbed se matras is totaal uitgelê en die bed kraak onuithoudbaar. Ons het niks geslaap nie. Die badkamer is hopeloos te klein en onprakties met die klein wasbakkie en rakkie wat so laag sit. Mens kom glad nie by die wasbak uit nie. Daar is ook geen ekstra komberse nie. Dit was geen aangename nag vir ons gewees nie. Ons moes nog ver ry die volgende dag en was doodmoeg gewees.

Warm maar bevredigend.

Sal net aanbeveel vir lugversorger, slaap ongemaklik in hitte.

Glad nie wat ek verwag het nie.

Die badkamer was nie aan die kamer nie. Oorkant die gang. Nie daaroor in kennis gestel tydens bespreking nie. Word ook nie genoem op advertensie op internet nie. Dit is ook so klein.

Dit was fantasties. Sou net graag lugreëling in die eenheid wou gehad het.

Ek was werklik verras oor die besonderse plekkie. Die tuine was goed versorg, alle reëlings wat ek vooraf getref het was nagekom, en ek moet melding maak van die fantastiese ontbyte wat ek kon geniet. Die personeel het uit hul pad gegaan om my tuis te laat voel. Ek sal definitief weer daar bespreek en ander aanbeveel. Baie dankie aan almal.

Naby snelweg, goeie diens.

Ons het eers 'n kamer in die hoofhuis gekry, maar op aanvraag het hulle ons geskuif na 'n plekkie op grondvlak met eie braai. Nadat mens die grootste deel van die dag in die motor deurgebring het, was dit lekker om ontspanne in die mooi goedversorgde tuine te sit en 'n vleisie te braai. Beslis aan te beveel.

Maklik om te vind en baie vriendelik.

Het gereis met 'n baba en troeteldier, daar was selfs 'n kampeerkot in die kamer beskikbaar wat dit soveel makliker gemaak het.

Baie aangenaam.

Baie rustig, goed geleë, goed toegeruste kamer, gemaklike beddens, baie dankie vir die waaiers in hierdie hittegolf, die bad is net hoog vir in en uit die stort klim, aangename ervaring.

Very good, neat and clean accommodation with loads of facilities on site.

Pool and jungle jim great for children in safe enviroment. Will stay there again on next trip.

Baie goed geleë naby snelweg in rustige omgewing.

Rustige omgewing en vriendelike ontvangs.

It was a beautiful stay and nice and private too.

Clean and very beautiful. Swimming pool facilities were nice and it was very private so I really enjoyed the peacefulness

'n Rustige pragtige plek as hul net meer fermer reëls het oor tye wat ingeboek word.

Net jammer dat ons geen nagrus kon kry. Besope gaste wat inboek vanaf 24:00 - tot 04:00 en plek afgebreek het. Motors wat gespin word in strate en deure wat aan gehamer word. Eers gedog dit was 'n bakleiery. Geen wag in sig nie. Het ontvangs probeer bel. Het dit opgevolg met bestuur en hul belowe om saak op te volg.

Ons is goed ontvang en die kamer het aan ons behoeftes voorsien.

Die gastehuis is uiters goed geleë. Baie naby die universiteit en hospitale. Daar is ook goeie restaurant nie te ver van daar af nie. Die personeel is vriendelik en alles is skoon en netjies.

Lovely place will definitely use again for my children

I had booked this place for my 2 teenage daughters over a weekend. The one was visiting the sister in Bloemfontein. The venue kept me posted about the readiness and were checking on their arrival time. Checking in was smooth. The teenagers enjoyed the stay and felt very safe even if they were on their own. The staff was very friendly with them. They have asked that I book them here if they need accommodation in Bloemfontein again. Thank you very much!

Bevredigend.

Oor die algemeen tevrede. Een verbetering sou wees om 'n groter verskeidenheid koffie en tee aan te bied. Daar was net Ricoffy, een enkele Vyfrose gewone teesakkie en een Rooibosteesakkie en Cremora en 'n paar suikersakkies. Langlewemelk en versoeters sou ook welkom gewees het.

Goeie rusplek langs die pad.

Ons was in die Shalom kamer. Die plek kan baat by opknapping, effens afgeleef. Die bed naaste aan die badkamer kraak baie.

Baie lekker blyplek om te rus.

Ons was bespreek vir twee aande. Die akkommodasie is gerieflik en lekker privaat. Ongelukkig was die tweede aand 'n riller aangesien daar een of ander funksie was en die mans was redelik luidrugtig. Ons as vrouens het nogal ongemaklik gevoel. Die lig in ons kamer het nie gewerk nie en hoewel ons dit rapporteer het, is dit nie herstel nie. Die ontvangspersoneel is baie vriendelik.

Swak diens kanselleer al die ander positiewe faktore!

Die dakwaaier in die eenheid het baie geraas - dit was warm en ek het besef ons sal nie sonder 'n waaier kan slaap nie, maar ons sal ook nie met die rasende waaier kan slaap nie. Ek het by ontvangs gaan vra vir 'n losstaande waaier vir die aand - die dame het vir my 'n klein plastiek waaiertjie gegee (20 cm in deursnee). Die effektiwiteit daarvan was nul, die afstand waar jy die wind kon voel was 20 cm! Ek sal nie hierdie verblyf in die somermaande aanbeveel nie.

Rusplek is 'n baie netjiese plek.

Ons was eers in 'n klein afgeleë kamertjie gesit. Ek het gevra of hulle nie 'n ander kamer het nie en ons is verplaas na 'n lieflike plek toe. Die mense by die ontvangs was baie vriendelik en op die einde het ons baie lekker gebly.

Redelik goed.

Kamers nie baie klankdig nie. Rokers moet versoek word om nie naby kamers te rook nie. Steeds onaangenaam vir mense in die kamers!

Ek sal nie weer hier tuisgaan nie.

Leë beloftes vir vroeër inboek om voor te berei vir 'n troue. Nie eens vuil handdoeke verwyder van vorige gaste en geen toiletpapier verskaf nie. Geen warm water was beskikbaar nie. Personeel het buitewerk afgeskeep sodat hekke heelnag geraas en gekraak het.

Waarde vir geld.

Ek sal definitief hierdie plek vir enige iemand aanbeveel! Ons het net een nag oorgeslaap, maar dit is die gastehuis met die mees vriendelikste mense! Baie netjies en mooi kamers! Hulle moet definitief gelys word as 'n 5-ster-gastehuis want hulle verdien dit vir seker! Sal definitief weer daar oorslaap!

Gerieflik en netjies dankie!

Ons was baie dankbaar dat ons trok ook binne in die erf kon getrek word om diefstal uit te skakel! Geriewe netjies en skoon.

Heerlik gebly. Baie vriendelike mense en die diens was puik. Lekker groot tuin en kamer met alles wat nodig is.

Dit is 'n baie lekker gastehuis en goed geleë, stapafstand van 'n Spar en ander winkels af. Ons is goed ontvang en kon ook daar ontbyt eet. Sal beslis weer daar gaan bly.

Wat 'n aangename verblyf en ook baie tegemoetkomend.

Ons het eers om 1:00 opgedaag en was steeds hartlik verwelkom. Die blyplek is netjies en baie gerieflik. Baie dankie. Ek kan die Rusplek Guest House definitief aanbeveel vir enigeen. Dis 'n baie gerieflike oase veral as jy ver gereis het vanaf Knysna en eers in Oudtshoorn by die Kangogrotte gedraai het.

Twee broers en 'n meisie was op soek na oornagverblyf op hul roete na Kaapstad.

Die kliëntediens was voortreflik en die akkommodasie was baie netjies.

Baie lekker gerus en kon die volgende dag verder reis.

Ons is baie vriendelik ontvang, gewys waar om te parkeer, en waar ons sou oornag. Uitstekende diens!

Ek sal dit aanbeveel.

Baie vriendelike en hulpvaardige personeel.

Netjies en sentraal.

Ontvangs was baie vriendelik en behulpsaam. Kamer was skoon en netjies. Lekker sentraal geleë.

Rustige aand.

Baie lekker naby aan die N1. Die feit dat daar geen yskas in die kamer was nie, was problematies. As mens 'n paar dae op die pad is en met klein kindertjies reis, is 'n yskas 'n noodsaaklikheid. Maar pragtige plek en vriendelike personeel. Dankie ook vir die aanbevelings vir eetplekke - het daarvan gebruik gemaak en heerlik geëet.

Sonder krag gesit Sondagoggend.

Kragopwekker foutief.

Baie lekker en gerieflik.

Die oord is gerieflik naby aan die hoofroetes en maklik om te kry. Die oord is baie netjies, gerieflik en goed onderhou. Ons het ons kort verblyf baie geniet en sal dit beslis aanbeveel.

Die verblyf was gerieflik en lekker ruim.

Die groot tuin skep 'n lekker atmosfeer. Die swembaddens kort aandag. Die borrelbad, yskas en stowe was 'n aanwins.

More than adequate.

I only slept there so cannot comment on other facilities. It suited my cause.