Beskrywing

The Sails G4 is 'n selfsorgwoonstel in 'n veilige gebou in die middel van Durban. Hierdie woonstel is ideaal vir 1 of 2 persone wat op soek is na 'n gerieflike oornagplek, naby 'n verskeidenheid besienswaardighede by die hawe.

Dié woonstel is ingerig met 2 enkelbeddens en het 'n badkamer met 'n stort. Die kombuis is toegerus met 'n yskas, 'n mikrogolfoond, 'n oond en 'n stoof. Die sitkamer het gemaklike sitplek en lei na 'n balkon wat lieflike uitsigte oor die omgewing en dele van die hawe bied.

Die gebou beskik oor 'n gemeenskaplike swembad, 'n gimnasium, asook veilige parkeerplek met 24 uur-sekuriteit op die perseel. The Sails G4 is 200 meter vanaf Ushaka Marine World en is naby restaurante, winkels, die Durban ICC en South Beach.