The Taj Residence 1408

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Whale-straat 4, The Taj Residence Eenheid 1408, Kaapstad, 8000, Wes-Kaap
Vanaf R5 625 per nag, vir 4 mense

Beskrywing

The Taj Residence 1408 is 'n luukse en ruim selfsorgwoonstel in 'n veilige gebou in die hartjie van Kaapstad, oorkant die bekende Company's Garden. Die woonstel in privaat besit is in dieselfde gebou as die Taj geleë wat as 'n hotel funksioneer, en as 'n gas kan jy gebruik maak van die hotel se kamerdiens, 'n verhitte swembad, gimnasium en 'n borrelbad.

Dié woonstel het slaapplek vir 4 gaste en beskik oor 2 smaakvol gemeubileerde slaapkamers, 2 badkamers en 'n oopplan-kombuis, -eetarea en -leefarea. Die hoofslaapkamer is ingerig met 'n koninggrootte-bed en het 'n en suite-badkamer met 'n bad, stort, wasbak en toilet. Die tweede slaapkamer is ingerig met 2 enkelbeddens en maak gebruik van die tweede badkamer met 'n stort, wasbak en toilet. Vars linne en handdoeke word voorsien.

Die oopplan-kombuis is volledig toegerus met 'n yskas-vrieskas, stoof, oond, mikrogolf, basiese eetgerei, breekware en tee- en koffiemaakgeriewe. Daarbenewens is daar ook 'n skottelgoedwasser, wasmasjien en droër vir gaste se gerief. Dit strek tot by die eetarea met 'n 4-sitplek-eetkamertafel met stoele, en lei verder na die ruim sitkamer met 'n studeertafel met 'n stoel, en toegerus is met gemaklike rusbanke en 'n TV. Gratis WiFi is beskikbaar vir gaste.

Die stapeldeure van die sitkamer maak oop na die balkon waar gaste die pragtige stad- en berguitsigte kan geniet, en na die sonsondergang oor die stad kan kyk.

Gaste kan gebruik maak van die hotel se restaurante en die Jive Spa op die perseel wat masserings en liggaamsbehandelings bied. Veilige onderdakparkeerplek is beskikbaar, asook 24-uur-sekuriteit en kringtelevisietoesig.

Kry ’n Kwotasie