Three Oaks B&B

Gastehuis

Kapasiteit: 12 persone
Alle ouderdomme is welkom
Inkloktyd: 13:00 tot 21:00
Uitkloktyd: 11:00
Adres: Grand Duc-straat 7, Durbanville, 7550, Wes-Kaap
Vanaf R1 600 per nag, vir 2 mense

Beskrywing

Three Oaks is 'n baie spesiale, besonderse pragtige gastehuis in die rustige woonbuurt Durbanville. Dit maak voorsiening vir sakereisigers sowel as toeriste. Dit is om verskeie redes gewild, as verblyf vir troupaartjies en die neem van troufoto's, sakelui wat mal is oor die heerlike ontbyt of toeriste wat by die swembad of op die patio in die feetjieagtige tuin kan ontspan.

Dit bied 4 stylvol gemeubileerde dubbel-en suite-kamers, elk met sy eie ingang na die welige tuin. Daar is 2 kamers in 'n aparte Bo-Kaapse kothuis in die tuin wat na die swembadarea en grasperk kyk. Die omgewing is stil, rustig en baie privaat met sy eie patio. Die 2 kamers is ook aangrensend aan mekaar, so dit is ideaal vir 'n gesin van 4 of 5, maar dit kan ook deur aparte gaste gebruik word, aangesien dit totaal klankdig is. Dit het volledige DSTV en wi-fi.

Die ander 2 en suite-kamers is in die hoofgebou. Dit is ruim, pragtig gemeubileerde kamers, ook met hul eie ingange en privaat patio's wat na die tuin lei. Elke kamer bied koffie, tee en beskuit vir die gaste. Volledige DStv en permanente WiFi-internettoegang is beskikbaar, asook yskasgeriewe. Daar is 'n omskakelaar tydens beurtkrag.

'n Volle, heerlike ontbyt word in die somer op die patio bedien wat oor die tuin en swembad uitkyk, en in die knus sitkamer met kaggel in die winter. Die patio is ideaal vir moeë gaste om te ontspan en 'n skemerkelkie te geniet na 'n harde dag by die werk of besienswaardighede as 'n toeris. Veilige parkeerplek vir al die gaste is beskikbaar.

Three Oaks is in 'n stil, rustige area geleë, maar dit is steeds binne maklike toegang tot die N1. Dit is baie gerieflik geleë naby die wynlande, die strande, Kaapstad Waterfront, Stellenbosch, Paarl en baie gewilde winkelsentrums met goeie restaurante.

Jou gashere sal Stella en Kobus wees. Stella is die kunstige een en Kobus die buitelugvlieërbranderplankryer, maar hy skroom nie om 'n lekker ontbyt voor te sit nie. Detail is vir hulle belangrik en elke gas word individueel en met respek behandel. Vervoer kan van en na die lughawe gereël word.
Besoek Three Oaks en maak herinneringe om te koester.

Kry ’n Kwotasie