Net lekker! Baie aangename en gerieflike oornagplek. Muskietmatjies/inpropmuskietdoders sou 'n aanwins wees.

Tinkerbell het ons behoeftes baie goed gepas. Ons reis met honde, en het op kort kennisgewing 'n omheinde plek gesoek. Tinkerbel is uitstekend vir honde, hulle kan lekker speel. Ons kan ook nie bly by plekke wat spierwit linne het nie, al slaap ons honde op die vloer is ek altyd bekommerd oor wit duvets, net ingeval. So vir my behoeftes was Tinkerbel nommerpas. En daar was 'n komplimentêre bottel wyn en die heel belangrikste, 'n sak ys in die vrieskas. Dis bedagsaam. Daar was ook lampe en gas, ons het beurkrag getref. Die gasheer het ons kom waarsku voor die tyd.

Baie rustige omgewing en baie mooi huis. Die huis was baie goed toegerus en ons het heerlik gebly.

Rustig. Dit is baie rustig en veilig. Die paaie in die dorp is net pateties.

Tinkerbell is 'n onverwagse juweel. Van buite af sal jy nooit dink dat die huis só 'n mooi tuiste weg van die huis af is nie. Daar is 'n lekker kaggel en groot, ruim kamer. Die omgewing is baie stil wat 'n goeie nagrus verseker.

Lieflike dekor, baie rustig, goeie beddens. Ons het net een aand hier geslaap, maar ek was mal oor Tinkerbell. Mens noem die dekor seker eclectic. Dis 'n mengsel van oud en nuut, moderne skilderye in een vertrek en 'n ou boere paintings in 'n ander. Orals in die huis is daar klein verrassings in die keuse van kunswerke, kleur kombinasies wat vars en met-die-tyd is. Hou in gedagte daar gaan nie veel aan in Rouxville nie, maar mens is net 'n halfuur se ry van Zastron af. Die vertrekke is groot, die beddens gemaklik. Die bottel wyn en sjerry was 'n lekker verrassing toe ons daar opdaag. Daar is oulike details soos olielampe in plaas van gewone elektriese bedlampe. Tinkelbell staan uit in die details van die plek. Daar is 'n kort stukkie grondpad om te ry tot by die huis. Die eienaar was ook baie vriendelik en hulpvaardig. Ek sal Tinkelbell maklik aanbeveel.

'n Pragtige, interessante, goed toegeruste en plattelandse huisie met 'n kaggel, braaiplek, pool-tafel, boeke en 'n geskenk-wynbottel. Ons het die aand baie geniet. Die huis is skoon, goed toegerus, billik en op die oog af veilig. Ek sal weer in dieselfde huis oorbly sou die geleentheid hom voordoen. Dis jammer dat Rouxville soos baie plattelandse dorpies agteruitgaan, maar die eienaars van Tinkerbell en 'n paar ander huiseienaars probeer hard om die dorp te laat oorleef.

Dit is 'n pragtige ou huis wat my laat voel het ek het 'tuis' gekom. Baie goed ingerig (selfs tydens beurtkrag is daar gas beskikbaar) en gerieflik. Baie dankie.

Rustig, gemaklik en vreedsaam. Ons het in 'n klein, droë dorpie met slegs stofstrate aangekom. Van buite was die huise 'n welkome oog met sy kleurvolle buitekant! Maklik die sleutel gekry. Binne was vars, skoon en koel. Die slaapplek was genoegsaam vir ons 5 en gemaklik. Alhoewel die eienares goeie telefoniese kontak behou het tussendeur, sou dit vir ons baie aangenaam gewees het om haar te ontmoet en self te bedank vir al die moeite! Die enigste uitdagings was die waterdruk en die feit dat daar nie 'n stort was nie. Die werkspasie in die kombuis was ook baie beperk! 'n Voorstel van 'n klein, vierkantige of ronde tafel/werkblad in die middel van die kombuis kan dalk oorweeg word.