Travel Beach House

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 11:00
Adres: 36 Faure Marine Rylaan, 9 Antilles, Gordonsbaai, 7140, Wes-Kaap
Vanaf R4 500 per nag (plek vir 6)

Beskrywing

Travel Beach House is 'n moderne vakansiehuis op die strand in Gordonsbaai.Die huis het 2 verdiepings en is geleë in 'n sekuriteitskompleks. Dit spog met ononderbroke see-uitsigte en het 'n privaat hekkie wat direk na die publieke strand lei.

Die huis het 3 en suite-kamers. Daar is 2 kamers op die boonste verdieping. Die hoofslaapkamer kyk uit oor die see, dit het 'n balkon, koninggrootte-bed en 'n Slim-TV. Die ander kamer het ook 'n balkon wat oor die see uitkyk en koninggrootte-bed wat as 2 enkelbeddens geskuif kan word. Die derde kamer is op die grondvloer en het 'n koninggrootte-bed wat ook as 2 enkelbeddens geskuif kan word, en die kamer het direkte toegang na buite.

Die huis het ook 'n oopplan kombuis, sit- en eetkamer. Die kombuis is ingerig vir selfsorg en beskik oor 'n yskas/vrieskas, oond, stoof, mikrogolfoond, koffiemasjien en skottelgoedwasser vir gaste se gerief. In die sitkamer is gemaklike banke, 'n Slim-TV en lieflike uitsigte oor die see. Verder is daar lekker bordspelletjies vir gaste om te geniet.

In die kompleks is 'n muurbal- en tennisbaan, klubhuis, swembad, tafeltennis-tafel en braaiplek. Gaste het ook direkte toegang tot die strand. Kom geniet die uitsigte oo die see, ontspan op jou balkon of speel lekker op die strand. Ons is naby aan winkels, restaurante asook die groot Somerset Mall-winkelsentrum. Blue Rock is ook net om die draai, waar gaste kan ski, stap en wake board. Daar is ook verskeie kuierplekke rondom ons.

Kry ’n Kwotasie