Baie rustig, lekker atmosfeer, mooi uitsig. Ons het 4 aande daar gebly, als was lekker, behalwe die kamer links onder, se badkamer gedeelte. Die toilet is in die ou stort ingebou, en is baie ongemaklik om te gebruik, daarby was die toilet verstop. Die bad is die soort wat op pote staan, en die bad is nie stabiel nie. Dan nog 'n probleem was dat die boonste kamer, heel bo, nie warm water in die badkamer gehad het nie. Oor die algemeen het ons lekker gebly, die woon- en kuierarea asook die kombuis is baie gesellig.

Lieflike, huislike familiewoning. Dit was 'n heerlike wegbreek in 'n huislike atmosfeer in 'n uitstekende, toegeruste huis. Natuurskoon is asembenemend.

Fenomenaal lekker! Ons het verskriklik lekker vakansie gehou by Tussen In. Die lekkerste bly- en kuierhuis wat jy kan kry! Met 'n 4 jarige en 2 amper tieners het almal 'n plekkie gehad om te rus, te speel en te ontspan. Hierdie plek sien ons beslis weer! Dankie Lynette en Leana - dit was tops!

Mooiste mooi! Ons het baie lekker gebly by Tussen In. Die huis is regtig so goed ingerig, alles wat jy nodig het, of vergeet het is beskikbaar. Leana en Lynette baie dankie dat ons in die huis kon bly en ons batterye laai! Ons sal die plekkie goud vir almal aanbeveel, veral in die somer sal enige persoon hul vakansie geniet!

Bo verwagting, kon nie vir beter vra nie. Lynette Crous, die eienaar, het ons van dag een af, tuis en soos ou vriende laat voel. Die akkommodasie was bo ons verwagtinge, netjies, skoon, ruim en huislik. Die huis het alles wat jy nodig het om 'n heerlike gesinsvakansie moontlik te maak. Die hoogtepunte was die speletjieskamer en natuurlik die stoepe met asemrowende see-uitsigte. Ek kan Tussen In vir almal aanbeveel. Kan nie wag om weer daar vakansie te gaan hou nie.

Gemaklik en lekker ontspan. Huis is fantasties toegerus met gemaklike leefareas vir alle ouderdomme.