Beskrywing

U-Stay is 'n lieflike knus ateljeewoonstel in 'n stil woonbuurt in Queenswood, Pretoria. Die woonstel het sy eie privaat ingang en is ideaal vir reisigers wat deurry en op soek is na 'n gerieflike blyplek.

Die slaapkamer is ingerig met 'n dubbelbed, 'n klerekas, 'n plafonwaaier en 'n TV. Die badkamer het 'n stort, toilet en 'n wasbak. Beddegoed en handdoeke word voorsien.

Die kombuisie is goed toegerus vir selfsorg en beskik oor 'n yskassie, 'n mikrogolfoond, 'n elektriese braaipan, 'n ketel, 'n broodrooster, eetgerei en breekware. Veilige parkeerplek, braaigeriewe en WiFi is op die perseel beskikbaar.

Die ateljeewoonstel is sentraal geleë naby die N1 Hoofweg, Pretoria Botaniese Tuin, Gautrein, Urologiese Hospitaal, en baie winkelsentrums en restaurante in die area.