Onvergeetlike romantiese plek. Een wat ons weer sal wil besoek. Onvergeetlike wegbreek naweek. Baie netjies en ekstra bederf geskenkies. Diens fantasties.

Pragtige juweel. Dit is die mooiste plekkie in die natuur wat ek beslis sal aanbeveel. Om 'n paar dae daar te kan bly, is voorwaar 'n voorreg!

Ongelooflik! Kan nie wag om weer terug te gaan nie. Hierdie plekkie is ongelooflik en die eienaars het aan elke liewe ding gedink. Van verskillende soorte koffie vir elke persoon se smaak, na braai en kombuisgeriewe wat mens nie gewoonlik in gastehuise sien nie, maar wat baie welkom is. Ons sal weer en weer en weer hier kom bly. Ons het gebly toe dit nog koeler was en het nie vir 'n oomblik koud gekry nie. Jy kan geen ander huise sien of hoor nie en dit dra by tot die aantrekkingskrag van die plekkie. Ons kan nie uitgepraat raak oor hierdie ongelooflike gastehuis nie. Ek kan klaar nie wag om terug te gaan nie.

Net een woord "fantasties". Baie lekker - alles en nog meer as wat ons verwag het - beslis aan te beveel en ons het al.

Heerlike ontspanne atmosfeer. Ideale wegbreek vir naweek.

Ons het vier aande oorgebly en elke oomblik geniet! Ons verblyf in die Uitkyk Kliphuisie was so na aan perfek as wat dit kan. Dit het boonop ons verwagtinge oortref. Bianca en Wentzel het 'n bouvallige arbeidershuisie omskep in 'n unieke en kunstige huisie. Die huisie is weg van die plaas se aktiwiteite, maar ons het heeltemal veilig gevoel. Die huisie is volledig toegerus. Dit was duidelik dat Bianca alle moontlike gebeurlikhede oorweeg het en verseker het dat voorsiening vir elke gebeurlikheid gemaak is. Ons het die pragtige uitsig, stapgeleenthede, aande voor die kaggel, elektriese komberse, die heerlike herfs-oggendson op die kombuistafel en Bianca en Wentzel se vrygewigheid geniet. Dit het vir ons gelyk of dit hulle baie gelukkig maak as gaste die Uitkyk Kliphuisie geniet. 'n Huisie om weer in die toekoms na terug te keer!

Salig. Uitstekende verblyf!