UmSisi House

Beskrywing

umSisi House lê op 60 hektaar ongerepte bosveld in die Jock of the Bushveld-bewaringsgebied in die Feebles-vallei tussen Witrivier en Hazyview. Dit bied uitstekende toegang tot die suidelike deel van die Krugerwildtuin via die Paul Kruger-hek (40 minute se ry ver), Phabeni-hek (30 minute ver) en Numbi-hek (20 minute se ry ver).

Dié huis maak net voorsiening vir privaat groepe van 4 tot 6 gaste. Daar is verskeie verblyfopsies te kies en te keur. Gaste kan aandete, B&B0-verblyf of 'n pakket wat alles insluit kies. umSisi House het 3 en suite-slaapkamers en 'n aparte kothuis met 2 slaapkamers en 'n gedeelde badkamer met 'n stort. Ander geriewe sluit 'n onderdak-stoep met 'n onthaalarea en 'n braaiplek in. Daar is ook 'n kaggel in die sitkamer, 'n Jacuzzi in die rotstuin en 'n TV-kamer en 'n biblioteek. WiFi is beskikbaar.

Gedurende beurtkrag doen die bestuurder alles moontlik om die krag aan te hou. Die huis het 'n gasoond, -stoof en -ketel, ingeboude braaigeriewe, sonkrag-geisers vir warm water en 'n rugsteunkragstelsel met batterye en 'n omsetter wat die huis deur fase 4 beurtkrag kan dra met ligte, WiFi, DStv en alle kragproppe wat sal werk indien dit oordeelkundig gebruik word.

Aktiwiteite in die omgewing, soos wildritte, kan bespreek word. Alle maaltye word vooruit saam met gaste beplan sodat elke maaltyd 'n hoogtepunt is. umSisi verwelkom kinders van alle ouderdomme.

Dié huis bied Krugerwildtuin-verblyf op sy beste en gaste sal Suid-Afrika, sy mense, diere en plekke eerstehands ervaar. Dis perfek vir 'n groep vriende of familie wat Suid-Afrika se Laeveld en die Panorama-roete kom verken. Hier is ook tientalle doendinge in die omgewing.