Unit 47 Eden Wilds

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Old Pont-weg, Bannersrest, Port Edward, 4295, KwaZulu-Natal
Vanaf R1 450 per nag (plek vir 6)

Beskrywing

Unit 47 Eden Wilds, ook bekend as "the duck house", is 'n selfsorgeenheid wat in die veilige oord-kompleks, Eden Wilds, aan die oewer van die Umtamvuna-rivier in Port Edward geleë is. Dié eenheid bied 'n rustige wegbreek aan volwassenes en tonne pret vir kinders. Hier kan gaste die plaaslike eende, poue en ooievaars voer en bokkies sal af en toe vanaf die Umtamvuna Natuurreservaat kom gesigwys.

Unit 47 Eden Wilds is op die grondverdieping geleë en net 15 m vanaf die dam. Die eenheid is geskik vir 6 gaste, en beskik oor 2 slaapkamers, 1 badkamer en 'n oopplan-kombuis, -eetarea en -leefarea. Die eerste slaapkamer het koninggrootte-bed en die tweede slaapkamer het 'n stapelbed met 'n dubbelbed aan die onderkant en 'n enkelbed bo. Albei slaapkamers het lugversorging. Die badkamer het 'n bad, stort, 'n toilet en 'n wasbak.

Die kombuis is vir selfsorg toegerus met 'n vierplaatstoof, 'n oond, yskas-vrieskas, mikrogolfoond, 'n broodrooster, ketel, strykyster, eetgerei, breekware, potte en panne. Daar is ook 'n toonbank met stoele en die sitarea het 'n TV met sekere DStv-kanale. Die eerste slaapkamer en die sitarea het Franse deure wat na 'n onderdak-stoep met 'n tafel, stoele en ketelbraai-geriewe lei.

Die oord het 'n gemeenskaplike swembad en 'n kinderswembad, asook 'n klubhuis met braaigeriewe, 'n pooltafel, 'n vlugbalnet, 'n kinderspeelarea met klimrame en swaaie en 24 uur-sekuriteit.

Die oord grens aan die Umtamvuna Natuurreservaat wat verskeie stap- en voetslaanroetes het. Diegene wat van roei hou, kan waterplankry, ski, tjoepry, kanovaart of staanroei. Bote en waterponies kan by The Pont gelanseer word en dan op die Eden Wilds-jetty vasgelê word. Gaste moet asb. hul eie visvangstokke saambring om die visvanggeriewe op 'n vang-en-vrylaat-basis te benut.

Kry ’n Kwotasie