Perfek! Baie lekker gekuier, goed verwelkom en baie netjies! Sal vir seker aanbeveel vir enige iemand met 'n liefde vir die bosveld om Valencia 7-D te besoek.

Uitstekende plek. Baie lekker veilige blyplek. Lekker rustig met die zebras wat kom groet. Uitstekende gasvryheid en diens van die eienaar. Beveel hul ten sterkste aan.

Rustig in die natuur. Baie netjiese eenheid en lekker rustig in die bos. Baie vriendelik en het ons baie welkom laat voel. Sal beslis weer by Valencia gaan bly.

Aangenaam. Uitstekende diens. Lekker naby die 2 dorpe vir ontbyte. Kan aanbeveel. Ja, was aangenaam. Ideaal vir "chill" en uitrus. Onthou jou boeke en MTB! Lieflike MTB roete wat verder ontwikkel gaan word. Bring jou eie WiFi, en bring handdoeke! Yskassie 'n teleurstelling soos een gas opgemerk het, maar klink of daar opgegradeer gaan word! Hangplek vir handdoek en klere in storte sal verwelkom word. Baie dankie vir die mikrogolfoond, groter tafel en aanbring van ekstra beligting buite op pad na ablusiegeriewe.

Fantasmagories lekker. Ons verblyf was fantasties. Sal enige tyd teruggaan. Baie dankie.

Asemrowend! Dit was die lekkerste plekkie om by te bly! Dis netjies, skoon, veilig en rustig. Perfek vir 'n lekker bosveld wegbreek.

Valencia 7-D: Ideaal vir natuurliefhebbers wat nie gepla is oor luukshede nie. Valencia 7-D is 'n lieflike plekkie in die natuur. Die gasheer en -dame het my baie vriendelik ontvang en ek het baie veilig gevoel. Daar is oral nie-gevaarlike wild om 'n mens, wat dit 'n selfs nog spesialer ervaring maak. Let wel: Die badkamer is nie en-suite nie, maar is 'n ablusiegerief wat 'n paar treë se stap is indien dit dalk vir ander gaste belangrik sou wees, maar dit het my glad nie gepla nie. Alles was mooi netjies en skoon. Daar is ook 'n swembad wat mooi in stand gehou word. Bring eie koffie, tee, suiker, melk en kos saam. Daar is 'n braaier, yskassie en mikrogolf beskikbaar.

Heerlike baie bekostigbare Bosveld-verblyf! Baie gerieflike, maklike, in-die-natuur-plekkie. Baie gasvrye eienaar, vrou en seun. Dankie Marten dat jy so tegemoetkomend teenoor ons was. Mooiste zebras tot 'n paar meter van ons verblyf. Aande onder die sterre was super mooi. Baie rustig en ontspannend en steeds naby genoeg aan Warmbad om die kinders se toere by te woon. Die swembad en boomswaai was 'n heerlike bederf na 'n hele lang dag langs die rugbyveld. Ongelukkig was ons tydjie te kort om 'n vleisie op die kole te gooi. Kan nie wag vir die nuwe een. Daar is soveel meer voor- as nadele, maar as ek iets moet byvoeg is dit die volgende: 1. 'n Spieël in die badkamer en dalk selfs in die kamer (enige of beide). 2. Toutjies om die lig en waaier bereikbaar te maak vir ons kortetjies. 3. 'n Ekstra stoel buitekant. 4. Toekomstige gaste, onthou om die gas buite die badkamers oop te draai voor jy in die stort klim. Teen dan help dit nie meer baie om te bel nie. ‍️. 5. Die yskassie is super klein. Ons was dit gelukkig te wagte, maar indien ander persone dit nodig het om te weet. 6. 'n Paadjie van die kamer na die badkamer/swembadarea sal tot baie voordeel wees vir mense wat moeiliker loop. 7. En laastens net 'n voorstel om 'n reëling op die boonste stapelbed aan te bring.