Beskrywing

Vannewes is in Lambertsbaai, 'n klein vissersdorpie in die Wes-Kaap, ongeveer 280 km van Kaapstad geleë. Die kusdorp is veral bekend vir sy strande, wilde diere en kreef. Vannewes is 'n lieflike strand-gesinshuis. Die vertrekke is ruim en bied gemaklike verblyf aan 'n gesin of klein groepe vriende wat net lekker wil saam kuier by die see.

Dié ruim huis is net 50 m van die strand af en loopafstand van die winkels en restaurante.

Die huis het slaapplek vir 10 volwassenes en 5 kinders en beskik oor 5 slaapkamers, 3 badkamers en 'n oopplan-kombuis en -leefarea. Die hoofslaapkamer het 'n dubbelbed, 1 enkelbed en 'n en suite-badkamer met 'n stort. Die tweede slaapkamer het 'n dubbelbed en die derde slaapkamer het 'n dubbelbed en 1 enkelbed. Die vierde slaapkamer het 2 stapelbeddens en die vyfde slaapkamer het 'n stapelbed en 'n enkelbed. Daar is 2 badkamers met 'n stort en 'n bad.

Die kombuis is met 'n stoof, oond, 2 yskas-vrieskaste, 'n kisvrieskas, mikrogolf, eetgerei en breekware toegerus. Daar is ook 'n ontbyttoonbank met stoeltjies. Die leefarea het 'n gemaklik sitkamerstel.

Daar is 'n boma-area met 'n ingeboude braai. Parkeerplek vir 4 voertuie is op die perseel beskikbaar.