Villa Mimosa

Gastehuis

Kapasiteit: 6 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Dumra-laan 1, Umhlanga, Durban, 4319, KwaZulu-Natal
Vanaf R850 per nag (plek vir 2)

Beskrywing

Villa Mimosa is in Umhlanga, Durban, en bied gehalteverblyf aan sakereisigers of vakansiegangers. Dis naby die Gateway Theatre of Shopping wat verskeie winkels en restaurante het, asook die strand, doendinge en besienswaardighede.

Die verblyf beskik oor 3 stylvolle kothuise.

Bougainvillea Cottage is 'n oopplan-eenheid met oop dakbalke, 'n koninggrootte-bed en en suite-badkamer met 'n stort, toilet en wasbak. Die kombuis is toegerus met 'n stoof, oond, yskas, mikrogolf, tee- en koffiemaakgeriewe, eetgerei en breekware. Daar is 'n eetarea met oorgenoeg sitplek. 'n TV met DStv en gratis WiFi is beskikbaar. Dié eenheid het ook 'n privaat, tropiese tuin met braaigeriewe.

Palm Cottage het 'n koningingrootte-bed en 'n en suite-badkamer met 'n stort, toilet en 'n wasbak. Dit het ook 'n kombuisarea met 'n tweeplaatstoof, mikrogolfoond, yskas, tee- en koffiemaakgeriewe, eetgerei en breekware. 'n TV met DStv is beskikbaar en gaste het toegang tot gratis WiFi. Dié oulike kothuis het 'n lieflike tropiese tuin waar gaste kan ontspan en braai.

Wisteria Cottage is 'n kompakte ateljeekamer met sy eie tuin en braaigeriewe. Die slaapkamer het 'n koningingrootte-bed en die badkamer het 'n hoekbad en 'n stort. Die kombuisie het 'n mikrogolfoond, yskassie en 'n induksiestoofplaat. Daar is 'n lessenaar, 'n sitarea en 'n onderdakstoep. Lugversorging, DStv, WiFi en gratis parkeerplek is beskikbaar.

Veilige parkeerplek word op die perseel voorsien.

Kry ’n Kwotasie