Villa Royale

Selfsorg

Gratis kansellasie tot 1 week voor jou verblyf!
Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Golden Mile-boulevard 98, Britanniabaai, St. Helenabaai, 7390, Wes-Kaap
Vanaf R3 600 per nag (plek vir 6)

Beskrywing

Villa Royale bied gerieflike selfsorgverblyf in 'n smaakvol versierde kontemporêre huis in St. Helenabaai aan die Weskus. Die drieslaapkamerhuis is stapafstand vanaf die strand.

Villa Royale het 'n koel, kalm en gesofistikeerde atmosfeer en bied 'n sonnige en gerieflike omgewing. Die huis het 'n boonste en onderste verdieping en dis ideaal vir onthaal.

Die onderste verdieping beskik oor 3 slaapkamers, 2 badkamers, 'n dubbelmotorhuis en 'n kuierarea met toegang tot die grasperk. Elke slaapkamer het 'n dubbelbed, ingeboude kaste en matte. Daar is bad- en stortgeriewe. Daar is ook 3 slaapbanke vir 6 kinders.

Die boonste verdieping beskik oor 'n oopplan-kombuis en -leefarea, 'n kuierarea met 'n pooltafel en 'n aparte gastetoilet. Die kombuis is met 'n yskas, mikrogolfoond, oond en 'n stoof toegerus. Die kuier- en leefarea het stapeldeure wat op 'n balkon met braaigeriewe en 'n see-uitsig oopmaak.

Die huis het 'n TV met sekere DStv-kanale en WiFi.

Dis die ideale vakansiehuis met maklike toegang tot die strand en dis in 'n rustige buurt.

Kry ’n Kwotasie