Villa Ten

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 12:00
Adres: Soldateklipstraat 10, Paternoster, 7381, Wes-Kaap
Vanaf R10 000 per nag (plek vir 8)

Beskrywing

Villa Ten is 'n mooi strandfront-vakansiehuis in Paternoster wat met 'n mooi see-uitsig en direkte toegang tot die strand spog.

Dié huis is geskik vir 8 volwassenes en 2 kinders en het 4 en suite-slaapkamers, 'n kombuis en 'n oopplan-leefarea. Die eerste en tweede slaapkamer het elk 'n koninggrootte-be, toegang tot 'n privaat balkon met 'n see-uitsig en 'n en suite-badkamer met 'n bad en stort. Die derde slaapkamer het 'n dubbelbed en die vierde slaapkamer het 2 enkelbeddens. Elke kamer het 'n en suite-badkamer met 'n stort. 'n Ekstra bed kan voorsien word vir 2 kinders op versoek.

Die kombuis is met 'n yskas-vrieskas, stoof, oond, mikrogolf, ketel en 'n broodrooster toegerus. Daar is 'n aparte opwaskamer met 'n skottelgoedwasser, wasmasjien en 'n tuimeldroër. Die oopplan-leefarea het 'n gemaklike sitkamerstel, 'n kaggel, etenstafel vir 8 en 'n kroeg. Die stoep spog met 'n see-uitsig, braaigeriewe, banke en 'n etenstafel.

Hierdie huis is naby restaurante en winkels, en word daagliks tussen 08:00 en 16:00 skoongemaak.

Kry ’n Kwotasie