Beskrywing

Villa V is 'n selfsorgvakansiehuis in Milnerton, Kaapstad. Hierdie ruim huis is ideaal geleë naby Lagoon Beach en ongeveer 6 km vanaf Canal Walk Winkelsentrum in Century City.

Dié volledig gemeubileerde huis beskik oor 3 slaapkamers en 1 badkamer. Die hoofslaapkamer is ingerig met 'n koninggrootte-bed; die tweede slaapkamer het 'n koningingrootte-bed, en die derde kamer het 2 enkelbeddens. Die badkamer is toegerus met 'n aparte stort en bad. Die kombuis is goed toegerus met 'n stoof, oond, yskas, mikrogolf en tee- en koffiemaakgeriewe.

Die eetkamer het 'n 6-sitplektafel en die sitkamer lei uit na die gedeeltelik onderdak binnehof, wat spog met 'n braai-area, 'n buite-eettafel wat na die tuin en plonspoel kyk. Gratis WiFi-internettoegang is beskikbaar, en die eiendom het ook 'n toesluitmotorhuis.

Villa V is ook ideaal geleë ongeveer 1,5 km vanaf Milnerton Gholfklub; 5 km vanaf Century City Conference Centre, en 9 km vanaf Kaapstad se middestad, om maar 'n paar besienswaardighede te noem.