Beskrywing

Vista Bonita 23 bied uitsigte oor die see en hawe. Dit is 'n lieflike selfsorgwoonstel vir 6 gaste in Die Voorbaai, Mosselbaai en dis net 200 m van die strand af.

Die woonstel beskik oor 2 slaapkamers, 2 badkamers en 'n oopplan-kombuis en -leefarea. Die hoofslaapkamer het 'n koningingrootte-bed en 'n en suite-badkamer met 'n stort en toilet. Die tweede slaapkamer het 'n dubbelbed en gebruik 'n aparte badkamer met 'n bad en toilet. 'n Slaapbank vir 2 kinders is beskikbaar in die sitarea. Linne en badhanddoeke word voorsien en gaste moet asb. hul eie swemhanddoeke saambring.

Die kombuis is volledig toegerus met 'n stoof en oond, mikrogolf, yskas, eetgerei en breekware en tee- en koffiemaakgeriewe. Maaltye kan by die toonbank of by die etenstafel geniet word.

Die sitarea het WiFi, 'n TV met sekere DStv-kanale en dit lei na 'n ingeslote balkon met 'n gasbraai en lieflike see-uitsigte. Onderdakparkeerplek vir 1 voertuig is beskikbaar op die perseel.

Mosselbaai bied talle aktiwiteite soos visvang, branderplankry, sonsondergang-vaarte, 4x4-roetes, bergfietsry, voetslaan- en staproetes, valskermspring en sandplankry. Gaste kan ook die Tuinroete Kasino, die Kaap St Blaise Vuurtoring en die Bartholomeu Dias Skeepvaartmuseum besoek of by die Langeberg Mall gaan inkopies doen.