Verskriklik lekker gekuier by Weskus Quarry. Ek en my pasgetroude vrou het sommer ons wittebrood naweek by Weskus Quarry gehou en mense, dit was nou vir jou lekker! Verskriklik mooi plek en Albert het ons so goed verwelkom. Ek en my vrou gaan gou weer 'n draai maak daar. Dis ongelooflik mooi. Ps: Vir diegene wat ietsie of twee vergeet het, die kombuis is toegerus met letterlik alles.

Vind weer jou siel. Dit was wonderlik rustig, met die mooiste sonsondergang en pragtige blomme. Dit is 'n plek waar jy jouself weer kan vind, weg van die alledaagse gejaag. Fudge (die eienaars se Jack Russell) is die beste toergids ooit! Hy het ons al die kortpaadjies deur die veld gewys.

Goeie ondervinding en grotte was great. Wat 'n lekker plekkie. Als was netjies en skoon.

'n Lekker plek om saam met vriende te kuier! Amazing views en fasiliteite. Lekker plek om te kuier saam met vriende en familie.

Dié is 'n plekkie vol wilde Weskus-karakter, vriendelike dierelewe en diepe sielsgeluk wat maande lank knou aan jou. Boonop, is dit omring met van die kus se mooiste landskap - 'n romantiese wegbreek, 'n breuk van die stadslewe of 'n strewe na 'n eenvoudiger lewe, die Weskus (Quarry) bly ons nommer 1! Weskus Quarry/Hokkie/Grotjie/Spotjie - die een so lieflik soos die ander! Ek en my geliefde het nou al vir amper ons 5de keer by hierdie spesiale plekkie kom kuier. Dit is ons geheime ontsnapping van die stad - 'n terugkom-tipe van plekkie, die soort wat jou wil laat trek Weskus toe. Van dag een af was ons versot op hierdie unieke plekkie - eenvoudig met net die nodige. Daar's die lekkerste braai/kuierplekkies (met 'n uitsig ook!) en alles is silwerskoon - daar word vir seker 'n oog aan detail uitgeleen. Die area spog met romantiese uitkykpunte wat loer oor die mooiste sonsakke - as jy mooi kyk, mag jy dalk 'n springhaas of twee tussen die tarentale raaksien. Die eienaar, Albert, en sy vrou, is te vriendelik. Hulle maak 'n punt daarvan om jou in ag te neem en seker te maak alles is net reg. Dankie Weskus Quarry vir nog 'n onvergeetlike naweek. Ons voel uitgerus, geïnspireer en reg vir die nuwe jaar!

Lekker rustige plek met baie geskiedenis. As jy wil wegbreek van die normale, is hierdie die plek vir jou. Weg van al die besige toeriste maar tog naby genoeg om al die besienswaardighede, see en restaurante te besoek. Naby aan Muisbosskerm opelug restaurant wat 'n moet is.

Ons het elke oomblik geniet. Die natuurskoon is wonderlik. Dit is 'n besoek wat elke reisiger langs die Weskus moet ervaar. Van die akkommodasie tot die omgewing. Ons sal beslis aan ander aanbeveel.

Rustige kuier tussen die rotse. Die karavaantjie waarin ons gebly het was so oulik en die kombuis en badkamers was baie skoon en gerieflik. Mens kan regtig ontspan tussen die rustigheid van die rotse en plaas om jou. Daar is ook 'n lekker staproete wat jou die rots kuns van oertyd wys en die hele geskiedenis van die plek is werklik interessant. Sal definitief aanbeveel.