Beskrywing

Whale Cove A104 is 'n luukse woonstel op die strandfront in De Kelders, Gansbaai.

Die woonstel beskik oor 3 slaapkamers, 2 badkamers, 'n sitarea, eetkamer en 'n kombuis wat ten volle toegerus is. Die hoofslaapkamer het 'n koningingrootte-bed, 'n en suite-badkamer met 'n stort en 'n see-uitsig. Die patio-deur bied toegang tot die woonstel se privaat balkon. Die ander 2 slaapkamers het elkeen 2 enkelbeddens en deel 'n badkamer met 'n bad. Daar is ook 'n gastetoilet. Perkallinne en handdoeke word voorsien.

Die kombuis is toegerus met 'n yskas, vrieskas, skottelgoedwasser, stoof en 'n mikrogolfoond. Ander geriewe sluit klank- en sigtoestelle asook 'n privaat versameling moderne boeke en CD's wat gaste gerus kan gebruik. Die groot balkon het buitemeubels en 'n Weber-gasbraai. Parkeerplek is beskikbaar op die perseel. WiFi is beskikbaar.

Hierdie moderne selfsorgwoonstel bied 'n ongelooflike uitsig oor die baai in Hermanus se rigting. Dit is een van die beste walviskykplekke ter wêreld. Die walvisse is dikwels nie meer as 20 m van die kus af nie en kan van die woonstel se privaat balkon af gesien word.

De Kelder is naby Gansbaai en is 'n gewilde naweek- en vakansiebestemming aan die Wes-Kaap se Suidkus. Kaapstad is net 2 uur se ry ver. Die woonstel is ook naby die Kleinbaai-haaikyk en -haaihokduik-geriewe.