Fun Times

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Arumstraat 68, Whalerock Gardens Estate, Plettenbergbaai, 6600, Wes-Kaap
Vanaf R2 200 per nag, vir 6 mense

Beskrywing

Fun Times is op 'n landgoed in Plettenbergbaai geleë en bied selfsorgverblyf aan 6 gaste.

Die hoofslaapkamer het 'n ekstra lang koninggrootte-bed en 'n en suite-badkamer met 'n bad en stort, en die tweede en derde slaapkamer het dubbelbeddens. Die tweede badkamer het 'n stort.

Die oopplan-leefarea beskik oor 'n kombuis wat met 'n yskas, stoof, oond en mikrogolfoond toegerus is. Die opwaskamer het 'n wasmasjien, 'n tuimeldroër en 'n skottelgoedwasser. Ander geriewe sluit 'n slim-TV en WiFi in. Gaste moet op hul eie rekening inteken om Netflix of DStv te kyk.

Die leefarea lei na 'n onderdakstoep met 'n eetarea en ingeboude braaigeriewe. Die stoep het ook skuifdeure wat op reënerige of winderige dae toegemaak kan word. Veilige parkeerplek is beskikbaar.

Fun Times spog met 'n groot swembad en kinders kan veilig in die straat speel. Die landgoed het 24 uur-sekuriteit en toegang word beheer.

Plettenbergbaai bied 'n verskeidenheid aktiwiteite soos stap-, voetslaan- en fietsroetes, perdry, walviskyk, en besienswaardighede soos die Lawnwood Snake Sanctuary, Monkeyland, Noah's Park Wolf Sanctuary, wynplase en Adventureland.

Kry ’n Kwotasie