Rustigheid, kalmte, skoon natuur en vars lug. Die naweekwegbreek was ongelooflik lekker by Wild Game Lodge. Die plek was skoon en netjies. Daar was als wat mens aan kon dink wat nodig is in die kombuis. Die rustigheid en vars lug maak mens weer lus vir die nuwe jaar. Die leeus se gebrul in die agtergrond gee mens weer nuwe respek vir die natuur. Ons het ook baie wild gesien asook die leeus wat kort-kort kom loer wanneer hul die voerbakkie se geluid hoor. Ons beplan om binnekort weer te kom kuier.

Lekker in die bos. Genoeg spasie met al die nodige geriewe. Ons het heerlik gebly by die lodge. In die middel van die bos met diere reg rondom ons. Baie netjies en goed toegerus.

Mooi, lekker, rustig. Baie lekker, mooi en rustig.

Ideaal geleë in 'n pragtige omgewing Die ligging was ideaal vir ons, die omgewing is pragtig en rustig. Daar was hout beskikbaar teen 'n addisionele fooi en ons kon vuur maak. Ons het dit geniet om die kameelperde en ander klein wild te sien en in die aand na die leeus te luister. Ongelukkig het die eenheid nie aan ons vereistes voldoen nie en ek kan dit nie aanbeveel nie. Ons is eers met ons aankoms daarvan bewus gemaak dat die eenheid staatmaak op sonkrag en aangesien die weer betrokke was het ons van Saterdagaand af geen elektrisiteit gehad nie. Daar is onderhoudswerk wat gedoen moet word aan blindings en ander items in die badkamer. Daar is geen WiFi of televisie beskikbaar nie. Daar is nie voldoende krag punte beskikbaar nie en die eenheid is nie elke dag gediens soos wat op die webwerf aangedui was nie.

Puik begin of einde van 'n vakansie na die Suid-Weste toe. Die privaat ligging van die lodge met alles wat jy nodig het en geleë in 'n wildkamp is 'n perfekte oornagplek vir reisigers.

Baie lekker. Nie net verblyf maar ook wildbesigtiging met leeus.

Rustige kuier uit die boonste rakke. Ek, my man en kleindogter van 4 jaar het heerlik gekuier in hierdie netjiese, goed toegeruste juweel omring deur die natuur. Dit was heerlik om snags die leeus se gebrul te hoor en hul bedags vanuit die tuin te sien uitspan by hul watergat. Die voer van die leeus was ook 'n groot hoogtepunt! Terwyl ons en kleinding swem het die wild onophoudelik kom water drink en het klein Jadia hierdie diereland vreeslik geniet. Vreeslik dankie Hannetjie dat ons hierdie koninkryk saam met jul kon deel. Baie dankie ook vir Frikkie en Willie wat so mooi gesorg het dat ons kuier spesiaal was en kampvuur kon aanhou brand met al die hout aanry. Ons sal beslis weer kom kuier en die res van ons gesin saambring.

Rustig, veilig. Beddens en beddegoed netjies en skoon. Alles wat jy nodig het in die kombuis. Lekker om te stap op die plaas en al die wild te sien. So lekker gevoel om die leeus te hoor elke oggend en aand. Die stilte en die baie voëllewe was hoogtepunte. Baie goeie diens met ontvang deur Frikkie wat goed kon verduidelik hoe alles werk. Baie dankie Hannetjie vir vriendelikheid deurlopend wanneer ons vrae gehad het.