Heerlik altyd fantasties. Sien sterre.

5-ster bos ervaring. Ek wil graag my opregte dank betuig vir die wonderlike ervaring wat ons by julle gehad het. Ons hele ervaring was absoluut fantasties gewees. YS Bos Hys is regtig 'n oase van rus en vrede. Die huis is pragtig skoon en die beddens is ongelooflik gemaklik, wat bygedra het tot ons heerlike nagrus. Ek gee vir YS Bos Hys 'n 10 uit 10 – dit oortref baie vyfster lodges wat ek al ervaar het. Die gras is pragtig groen en ek het geniet om vroeë oggende op die stoep deur te bring en te kyk na al die verskeie voëls. Saans het ons om die vuur gesit en geluister na die naggeluide – dit was net magies. Die atmosfeer is regtig ontspannend. As jy nie lus is om te ry nie, kan jy eenvoudig onder die bome sit en kyk na die diere wat verby beweeg. Ek sien uit daarna om in die somer weer te gaan kuier en die pragtige swembad te geniet. Baie dankie aan YS Collection dat julle julle stukkie paradys met ons gedeel het. Ons sal hierdie herinneringe koester en sien uit daarna om weer te kom.

Dit was lekker, rustig en ontspannend. Die plek is netjies en alles is daar. Fantasties, geen tekortkominge nie.

Wonderlike naweek weg! Dit was 'n wonderlike naweek in die natuur. Die swembad is 'n bonus vir my seun. Dit was wonderlik om wild so naby aan die huis te sien. Die huis se kamers is ruim en die beddegoed is so gemaklik! Die kombuis het alles wat jy benodig. Die diens was regtig baie goed! Ons sal weer terug wees.

Wonderlike verblyf. Ons het die rustigheid so baie geniet. Die verblyf is 5-ster en ons sal beslis weer daarheen gaan. Ons het so baie diere gesien reg van die stoep af.

Lekker plek. Baie netjies en gerieflike verblyf.

Ons gunsteling wegbreekplek. Ons bly altyd baie lekker hier, die huis is pragtig en fantasties toegerus en gerieflik naby die Safari Mall en Arlington Brewery. Ons kyk lekker wild van die stoep en braai-area en swembad af. Die eienaars is baie vriendelik en bied altyd vinnige en vriendelike diens.

Familie-kuier so 2 keer per jaar, ons sien altyd baie uit om te kom. Ons bly altyd baie lekker - die huis is baie mooi toegerus. Geen rede om op wildsritte te gaan nie, ons kyk lekker wild vanaf die voorstoep, braai area en selfs swembad. Stuart bied altyd vriendelike en vinnige diens as ons hom kontak en is altyd naby. Die huis is lekker naby geleë aan die Safari Mall en ook Arlington Brewery.

Pragtig gemubileerd - Ten volle toegerus - Veilig - Netjies - Skoon -. Verskriklik lekker gebly.

Rustige atmosfeer en lekker gebly. Baie dankie aan Stuart wat ons so welkom laat voel het. Ons het ons verblyf baie geniet en sal vir seker weer julle besoek.