Beskrywing

Zandput Guest Farm is 'n selfsorghuis op 'n plaas in Frankfort, 'n rustige en idilliese omgewing buite die stadsgedruis. Hiér kan gaste ontspan en herlaai soos hulle die natuurskoon van die Vrystaat ontdek.

Die huis bied slaapplek aan 11 gaste en beskik oor 4 slaapkamers en 3 badkamers. Die hoofslaapkamer het 'n koningingrootte-bed en 'n en suite-badkamer met 'n bad en 'n stort. Die tweede slaapkamer het 'n koningingrootte-bed en 'n en suite-badkamer met 'n stort. Die derde slaapkamer het 'n dubbelbed, stapelbed en 'n enkelbed, en die vierde slaapkamer het 2 enkelbeddens. Die aparte badkamer het 'n bad, stort, wasbak en 'n toilet. Linne en handdoeke word voorsien.

Die kombuis is met 'n yskas-vrieskas, gasstoof, oond, mikrogolf, eetgerei, breekware en tee- en koffiemaakgeriewe toegerus. Dit lei na die sitarea waar daar gemaklike rusbanke en 'n TV, asook 'n etenstafel met stoele is. Gratis WiFi is beskikbaar.

Die huis bied toegang tot 'n stoep met buitemeubels en braaigeriewe. In die somer word die sementplaasdam in 'n swembad omskep. Verder is daar 'n goed versorgde grasperk waar die kinders kan rondhardloop en piekniek hou. Gaste kan ook die plaaslande verken, gaan stap, fietsry en voëlkyk.